புரோ கபடி லீக் தொடரின் 12வது சீசன் ஆகஸ்ட் 29ஆம் தேதி வெள்ளிகிழமை தொடங்கியது. இந்த புதிய சீசன் நான்கு நகரங்களான விசாகப்பட்டினம், ஜெய்ப்பூர், சென்னை மற்றும் டெல்லியில் நடைபெறவுள்ளது. நான்கு கட்டங்களில் நடைபெறும் இந்த சீசன், விசாகப்பட்டினத்தில் ஆகஸ்ட் 29-செப்டம்பர் 11 வரையிலும், ஜெய்ப்பூரில் செப்டம்பர் 12-28 வரையிறும், சென்னையில் செப்டம்பர் 29-அக்டோபர் 12 வரையிலும், டெல்லியில் அக்டோபர் 13-24 வரையிலும் நடைபெறுகிறது.
PKL 2025-ல் போட்டி வடிவம் மாற்றி அமைக்கப்பட்டுள்ளது. மொத்தம் 108 ஆட்டங்களைக் கொண்ட லீக் நிலையைக் கொண்டிருக்கும். இதில் 12 அணிகளும் தலா 18 ஆட்டங்களில் விளையாடும். தெலுங்கு டைட்டன்ஸ், தமிழ் தலைவாஸ், பெங்களூரு புல்ஸ், பெங்கால் வாரியர்ஸ், யு மும்பா, ஹரியானா ஸ்டீலர்ஸ், டபாங் டெல்லி, குஜராத் டைட்டண்ட்ஸ், ஜெய்ப்பூர் பிங்க் பான்தர்ஸ், பாட்னா பைரேட்ஸ், UP யோதாஸ் மற்றும் புனே பால்டன் ஆகிய அணிகள் விளையாடும்.
லீக் நிலையில் டை முடிவுகள் இனி நடைபெறாது. அதற்கு பதிலாக, ஐந்து ரெய்டு கொண்ட டை பிரேக்கர் பயன்படுத்தப்படும். புள்ளிகள் சமமாக இருந்தால் கோல்டன் ரெய்டு நடத்தப்படும். அணிகள் வெற்றிக்கு இரண்டு புள்ளிகளையும் தோல்விக்கு எதுவும் இல்லை.பிளே-ஆஃப் சுற்றுக்கு எட்டு அணிகள் தகுதி பெறும், 5வது முதல் 8வது இடங்களில் உள்ள அணிகள் பிளே-இன் ஆட்டங்களில் போட்டியிட்டு எலிமினேட்டர்ஸை அடையும்.
3வது மற்றும் 4வது இடங்களில் உள்ள அணிகள் மினி-குவாலிஃபையரில் விளையாடி, வெற்றியாளர் முன்னேறவும் தோல்வியாளருக்கு பின்னர் மற்றொரு வாய்ப்பு கிடைக்கவும் செய்யும்.முதல் இரண்டு அணிகள் குவாலிஃபையர் 1-ல் மோதும், அங்கு வெற்றியாளர் நேரடியாக இறுதிக்கு செல்வார்கள். தோல்வியாளர் குவாலிஃபையர் 2-க்கு செல்லும். புதிய வடிவமைப்பில் மூன்று எலிமினேட்டர்ஸ் மற்றும் இரண்டு குவாலிஃபையர்ஸ் இறுதி போட்டிக்கு முன் உள்ளன.
இந்தநிலையில், இந்த தொடரில் நேற்று நடைபெற்ற ஆட்டத்தில் தெலுங்கு டைட்டன்ஸ் – உ.பி.யோத்தாஸ் அணிகள் மோதின. பரபரப்பான இந்த ஆட்டத்தில் ஆதிக்கம் செலுத்திய உ.பி.யோத்தாஸ் அணி 40-35 என்ற கணக்கில் வெற்றி பெற்றது. யு மும்பா – குஜராத் ஜெயன்ட்ஸ் அணிகள் இடையேயான மற்றொரு ஆட்டம் 29-29 என்ற கணக்கில் டிராவில் முடிந்தது. இதையடுத்து நடந்த ஷூட்-அவுட்டில் யு மும்பா 6-5 என்ற புள்ளி கணக்கில் வெற்றி பெற்றது. இதேபோல், இன்று (ஆக.31) நடைபெறும் ஆட்டத்தில் நடப்பு சாம்பியன் ஆன ஹரியானா ஸ்டீலர்ஸ் அணி, பெங்கால் வாரியர்ஸ் அணியை எதிர்கொள்கிறது.
