பொதுத்துறை வங்கியான பேங்க் ஆஃப் இந்தியா (BOI) தேசிய அளவிலான தொழிற்பயிற்சிக்கான அறிவிப்பை வெளியிட்டுள்ளது.
காலிப்பணியிடங்கள்: 400
வயது வரம்பு: பொதுத்துறை வங்கி தொழிற்பயிற்சிக்கு விண்ணப்பிக்க குறைந்தபட்சம் 20 வயது நிறைந்து இருக்க வேண்டும். அதிகபடியாக 28 வயது வரை இருக்கலாம்.
கல்வித்தகுதி: விண்ணப்பதார்கள் கட்டாயம் அங்கீகரிக்கப்பட்ட கல்வி நிறுவனத்தில் வழங்கப்படும் ஏதேனும் ஒரு பாடப்பிரிவில் பட்டப்படிப்பை முடித்திருக்க வேண்டும். மேலும் 01.04.202 முதல் 01.12.2025 வரையில் கல்வித்தகுதியை பெற்றவராக இருக்க வேண்டும். விண்ணப்பதார்கள் ஒரு மாநிலத்திற்கு மட்டுமே விண்ணப்பிக்க வேண்டும் மற்றும் பயிற்சிக்கான உடற்தகுதியை கொண்டிருக்க வேண்டும்.
யாரெல்லாம் விண்ணப்பிக்க கூடாது? ஏற்கெனவே பேங்க் ஆஃப் இந்தியா வங்கியில் தொழிற்பயிற்சி பெற்றவர்கள் மற்றும் வேறு ஏதேனும் அரசு தொழிற்பயிற்சி பெற்றவர்கள் விண்ணப்பிக்க இயலாது. அதே போன்று, 1 வருட பணிக்கான பயிற்சி மற்றும் பணி அனுபவம் பெற்றவர்களும் விண்ணப்பிக்க இயலாது.
உதவித்தொகை: தேர்வாகும் நபர்களுக்கு மாதம் ரூ. 13,000 உதவித்தொகை வழங்கப்படும். வங்கியின் மூலம் ரூ.8,500, அரசு தரப்பின் மூலம் ரூ.4,500 என வழங்கப்படும்.
தேர்வு செய்யப்படும் முறை: பேங்க் ஆஃப் இந்தியாவில் தொழிற்பயிற்சிக்கு விண்ணப்பிக்கும் விண்ணப்பதாரர்கள் எழுத்துத் தேர்வு மற்றும் உள்ளூர் மொழித் தகுதி தேர்வு ஆகியவற்றின் அடிப்படையில் தேர்வு செய்யப்படுவார்கள்.
எழுத்துத் தேர்வு: இந்த எழுத்துத் தேர்வு மொத்தம் 100 கேள்விகள் – 100 மதிப்பெண்கள் கொண்டு நடைபெறும். தேர்வு நேரம் 90 நிமிடங்கள் ஆகும்.
எழுத்துத் தேர்வில் இடம்பெறும் பாடப்பிரிவுகள்:
- பொது விழிப்புணர்வு
- ஆங்கிலம்
- நுண்ணறிவு (Reasoning)
- கணினி திறன்
- உள்ளூர் மொழித் தகுதி
விண்ணப்பதாரர் எந்த மாநிலத்திற்கு விண்ணப்பிக்கிறாரோ, அந்த மாநிலத்தின் உள்ளூர் மொழியில் தேர்ச்சி பெற்றிருக்க வேண்டும். தமிழ்நாட்டில் உள்ள பணியிடங்களுக்கு தமிழ் மொழி அறிவு கட்டாயம். 10-ம் வகுப்பு அல்லது 12-ம் வகுப்பில் தமிழ் மொழியை பாடமாக படித்தவர்கள், உள்ளூர் மொழித் தேர்விலிருந்து விலக்கு பெறுவார்கள்.
எப்படி விண்ணப்பிப்பது? விண்ணப்பிக்க விரும்புவோர் https://nats.education.gov.in/ என்ற இணையதளத்தில் பதிவு செய்ய வேண்டும். அதனைத்தொடர்ந்து, Apprenticeship with Bank of India என்பதில் விண்ணப்பிக்கலாம்.
விண்ணப்பிக்க கடைசி நாள்: 10.01.2026.
