சூப்பர் ஸ்டார் ரஜினிகாந்த்துக்கு இந்தியாவில் எந்த அளவுக்கு ரசிகர்கள் இருக்கிறார்கள் என சொல்லி தெரிய வேண்டியது இல்லை. தற்போது நெல்சன் இயக்கத்தில் ஜெயிலர் படத்தில் நடித்து வரும் ரஜினிகாந்த் அடுத்ததாக இயக்குனர் லோகேஷ் கனகராஜ் இயக்கத்தில் அவர் நடக்க இருக்கிறார். அந்தப் படம் தான் ரஜினியின் கடைசி படம் என கூறப்படுகிறது. ரஜினியின் இரண்டு மகள்களும் இயக்குனர்கள் என்பது எல்லோருக்கும் தெரியும். மேலும், அவரது மனைவியும் பாடகி தான்.
இப்படி ரஜினிகாந்தின் மொத்த குடும்பமும் சினிமாவை சேர்ந்தவர்கள் தான். இந்த நிலையில், தற்போது ரஜினி குடும்பத்திலிருந்து மற்றொரு நபர் நடிகராக களமிறங்குகிறார். அது வேறு யாரும் இல்லை நடிகர் ரஜினிகாந்தின் அண்ணன் சத்யநாராயண ராவ் தான். அவர் தற்போது ஒரு படத்தில் நடிகராக அறிமுகமாகி இருக்கிறார். அந்த படத்தின் சூட்டிங் கிருஷ்ணகிரி மாவட்டத்தில் இருக்கும் ரஜினியின் பெற்றோர் நினைவிடத்தில் தொடங்கியுள்ளது.
