ஈரான் மற்றும் இஸ்ரேல் இடையே பதட்டங்கள் நிலவி வரும் நிலையில், அனைத்து இந்தியர்களும் எச்சரிக்கையாக இருக்கவும் பாதுகாப்பு நெறிமுறைகளை கடைபிடிக்கவும் இந்தியா கேட்டுக் கொண்டுள்ளது.
இஸ்ரேலில் உள்ள இந்திய தூதரகம், X பக்கத்தில் இதுகுறித்து பதிவிட்டுள்ளது. அந்த பதிவில், “பிராந்தியத்தில் நிலவும் சூழ்நிலையைக் கருத்தில் கொண்டு, இஸ்ரேலில் உள்ள அனைத்து இந்தியர்களும் எச்சரிக்கையுடன் இருக்கவும், இஸ்ரேலிய அதிகாரிகள் மற்றும் உள்நாட்டுப் படையின் அறிவுறுத்தல்களின்படி பாதுகாப்பு நெறிமுறைகளைப் பின்பற்றவும் அறிவுறுத்தப்படுகிறார்கள். தயவுசெய்து எச்சரிக்கையாக இருங்கள், நாட்டிற்குள் தேவையற்ற பயணங்களைத் தவிர்க்கவும், பாதுகாப்பு முகாம்களுக்கு அருகில் இருங்கள்.” என்று தெரிவித்துள்ளது.
ஈரானில் உள்ள இந்திய தூதரகம் நேற்றும் இந்தியர்கள் மற்றும் இந்திய வம்சாவளியைச் சேர்ந்தவர்கள் எச்சரிக்கையாக இருக்குமாறு ஒரு ஆலோசனையை வெளியிட்டது குறிப்பிடத்தக்கது.
இதனிடையே, ஈரானின் அணுசக்தித் திட்டம் மற்றும் ராணுவத் தலைமையை குறிவைத்து நேற்று இஸ்ரேல் தாக்குதல் நடத்தியது. இதில் மூத்த ஈரானிய ஜெனரல்கள் மற்றும் அணு விஞ்ஞானிகள் கொல்லப்பட்டனர்.. இந்தத் தாக்குதலில் 78 பேர் கொல்லப்பட்டதாகவும், 320க்கும் மேற்பட்டோர் காயமடைந்ததாகவும் தெஹ்ரான் கூறுகிறது.
ஈரான் அணு ஆயுதத் திறனை நெருங்கி வருவதாகக் கூறி முன்னெச்சரிக்கை நடவடிக்கையாக இந்த தாக்குதல் நடத்தப்பட்டதாக இஸ்ரேல் கூறியது.
இதற்கு பதிலளிக்கும் விதமாக, ஈரான் ட்ரோன்கள் மற்றும் பல பாலிஸ்டிக் ஏவுகணைகளை ஏவி, ஜெருசலேம் மற்றும் டெல் அவிவ் மீது தாக்குதல் நடத்தியது. இந்த தாக்குதலில், இந்த தாக்குதலுக்கு பதிலடியாக, ஈரான் இஸ்ரேல் மீது ஏவுகணைகளை வீசி வருகிறது. இதில் 3 பேர் கொல்லப்பட்டனர், பலர் காயமடைந்தனர். இஸ்ரேலிய இராணுவம் அவசர தங்குமிட உத்தரவுகளை பிறப்பித்தது, ஏற்கனவே காசாவில் நடந்து வரும் போரால் விளிம்பில் உள்ள மக்களிடையே பதட்டங்களை அதிகரித்தது.
புதுப்பிக்கப்பட்ட அணுசக்தி ஒப்பந்தம் தொடர்பாக அமெரிக்க-ஈரான் பேச்சுவார்த்தை நடத்த இருந்த நிலையில் இஸ்ரேல் – ஈரான் மோதல் வெடித்துள்ளது. சந்தேகத்தை ஏற்படுத்துகிறது. இஸ்ரேலிய தாக்குதல்களைத் தொடர்ந்து ஈரானின் வெளியுறவு அமைச்சகம் அமெரிக்கா உடனான விவாதம் அர்த்தமற்றது” என்று அறிவித்தது, இது இராஜதந்திரத்தில் சாத்தியமான சரிவைக் குறிக்கிறது என்று ஈரான் அரசு ஊடகங்கள் செய்தி வெளியிட்டுள்ளன. இஸ்ரேல் – ஈரான் மோதல் மத்திய கிழக்கில் போர் பதற்றத்தை அதிகரித்து வருகிறது என்பது குறிப்பிடத்தக்கது.
Read More : மாறி மாறி மோதிக்கொள்ளும் இஸ்ரேல், ஈரான்.. போர் விளிம்பில் மத்திய கிழக்கு.. என்ன நடக்கிறது?
