இந்தியாவின் மிகப்பெரிய பொதுத்துறை வங்கியான ஸ்டேட் பேங்க் ஆப் இந்தியா (SBI), தற்போது சிறப்பு அதிகாரி (Specialist Cadre Officer – SO) பிரிவில் மொத்தம் 996 பணியிடங்களை நிரப்புவதற்கான புதிய வேலைவாய்ப்பு அறிவிப்பை வெளியிட்டுள்ளது.
பதவி மற்றும் காலியிடங்கள் :
VP Wealth (SRM) – 506
AVP Wealth (RM) – 206
Customer Relationship Executive (CRE) – 284
கல்வித் தகுதி : அனைத்துத் தேர்வுகளுக்கும் அரசு அங்கீகாரம் பெற்ற பல்கலைக்கழகத்தில் பட்டப்படிப்பு கட்டாயம். MBA (Banking/Finance/Marketing) போன்ற உயர் படிப்புகள் கூடுதல் மதிப்பைத் தரும். அத்துடன், CFP, CFA, NISM போன்ற சான்றிதழ்கள் வைத்திருப்பவர்களுக்குத் தேர்வில் முன்னுரிமை வழங்கப்படும்.
VP Wealth (SRM): குறைந்தபட்சம் 6 ஆண்டுகள் வங்கி அல்லது வெல்த் மேனேஜ்மென்ட் துறையில் அனுபவம் தேவை.
AVP Wealth (RM): குறைந்தபட்சம் 3 ஆண்டுகள் அனுபவம் (அல்லது SBI Wealth CRE-க்களுக்கு 4 ஆண்டுகள் அனுபவம்) அவசியம்.
Customer Relationship Executive (CRE): ஆவணப் பணிகளில் அனுபவமும், சிறந்த தகவல் தொடர்புத் திறனும் இருந்தால் போதுமானது.
வயது வரம்பு மற்றும் ஆண்டு சம்பளம் :
* VP Wealth (SRM) பணிக்கு 26 முதல் 42 வரை இருக்க வேண்டும். ஆண்டு சம்பளம் ரூ. 44.70 லட்சம்.
* AVP Wealth (RM) பணிக்கு 23 முதல் 35 வரை இருக்க வேண்டும். ஆண்டு சம்பளம் ரூ. 30.20 லட்சம்.
* CRE பதவிக்கு 20 முதல் 35 வரை இருக்க வேண்டும். ஆண்டு சம்பளம் ரூ. 6.20 லட்சம்.
தேர்வு நடைமுறை :
* விண்ணப்பங்கள் தகுதி அடிப்படையில் ஆரம்ப கட்ட சோதனைக்கு உட்படுத்தப்படும்.
* நேரடியாகவோ, தொலைபேசி மூலமாகவோ அல்லது வீடியோ மூலமாகவோ நேர்முகத் தேர்வு நடத்தப்படும்.
* இறுதியாக, சம்பளம் (CTC) குறித்த பேச்சுவார்த்தை நடைபெறும்.
விண்ணப்பக் கட்டணம் : SC / ST / PwBD பிரிவினர் கட்டணம் செலுத்தத் தேவையில்லை. மற்ற பிரிவைச் சேர்ந்த விண்ணப்பதாரர்கள் ₹750 கட்டணத்தைச் செலுத்த வேண்டும்.
விருப்பமும் தகுதியும் உள்ளவர்கள் வங்கியின் அதிகாரப்பூர்வ இணையதளமான https://sbi.bank.in/ மூலம் 23.12.2025-க்குள் ஆன்லைனில் விண்ணப்பிக்க வேண்டும்.
Read More : ஒரு லிட்டர் ஆவின் நெய் எவ்வளவு தெரியுமா..? அதிரடியாக உயர்ந்த விலை..!! அதிர்ச்சியில் மக்கள்..!!
