இந்தியாவின் மிகப் பெரிய பொதுத்துறை வங்கியான ஸ்டேட் பாங்க் ஆஃப் இந்தியா (SBI) அசிஸ்டெண்ட் மேனேஜர் பணியிடங்களை நிரப்புவதற்கான வேலை வாய்ப்பு அறிவிப்பை வெளியிட்டுள்ளது.
பணி விபரம்: 541 காலிப்பணியிடங்கள்
கல்வித் தகுதி: விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் ஏதாவது ஒரு இளங்கலை பட்டப்படிப்பு படித்திருக்க வேண்டும். 30.09.2025 தேதிக்குள் படிப்பை முடித்து விடக்கூடிய இறுதி ஆண்டும் மாணவர்களும் இதற்கு விண்ணப்பிக்க முடியும்.
வயது வரம்பு: 01.04.2025 தேதிப்படி விண்ணப்பதாரர் 21 வயது நிறைவடைந்தவராகவும், 30 வயதிற்கு மிகாதவராகவும் இருக்க வேண்டும். அரசு விதிகளின் படி எஸ்சி / எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும், மாற்றுத்திறனாளிகளுக்கு 10 ஆண்டுகளும் வயது வரம்பில் சலுகை உள்ளது.
சம்பள விபரம்: தேர்ந்தெடுக்கப்படும் விண்ணப்பதாரர்களுக்கு மாதம் ரூ.48,480 முதல் ரூ.85,920 வரை சம்பளம் வழங்கப்படும் எனத் தெரிவிக்கப்பட்டுள்ளது.
தேர்வு முறை: இந்த பணிக்கு விண்ணப்பிப்பவர்களிலிருந்து முதல்நிலைத் தேர்வு, முதன்மைத் தேர்வு, நேர்முகத் தேர்வு மூலம் தகுதியான விண்ணப்பதாரர்கள் தேர்வு செய்யப்படுவர். ஜூலை – ஆகஸ்ட் மாதத்தில் முதல்நிலைத் தேர்வு நடைபெறும். முதல்நிலைத் தேர்வில் தேர்ச்சி பெற்றவர்கள் செப்டம்பர் மாதத்தில் நடைபெறும் முதன்மைத் தேர்வு எழுத அனுமதிக்கப்படுவர். முதன்மைத் தேர்வில் தேர்ச்சி பெற்ற விண்ணப்பதாரர்கள் அக்டோபர் – நவம்பரில் நடைபெறும் நேர்முகத் தேர்வுக்கு அழைக்கப்படுவர் எனத் தெரிவிக்கப்பட்டுள்ளது.
விண்ணப்பிக்கும் முறை: இந்த பணிக்கு விண்ணப்பிக்க விருப்பமுள்ளவர்கள் https://sbi.co.in/web/careers/current-openings என்ற எஸ்பிஐயின் அதிகாரப்பூர்வ வலைப்பக்கம் அல்லது https://ibpsonline.ibps.in/sbipomay25/ என்ற வலைப்பக்கம் மூலம் 14.07.2025 தேதிக்குள் விண்ணப்பிக்க வேண்டும்.
Read more: நிகிதா ரூ.25 லட்சம் மோசடி செய்தது அம்பலம்.. அஜித் மரண வழக்கில் எழும் பல கேள்விகள்.. ஆனால் பதில்..?
