அமெரிக்காவில் பாலியல் குற்றச்சாட்டுகளில் தண்டனை பெற்ற ஜெஃப்ரி எப்ஸ்டீன் தொடர்பான அதிர்ச்சிகரமான தகவல்கள் தற்போது வெளியாகி உள்ளன.
அமெரிக்க நீதித்துறை அமைச்சகம், எப்ஸ்டீன் பயன்படுத்திய அமேசான் கணக்கில் இருந்து பெறப்பட்ட 1,006 மின்னஞ்சல் ரசீதுகளை பொதுமக்கள் பார்வைக்கு வெளியிட்டுள்ளது. இந்த ரசீதுகள் 2014 முதல் 2019 வரையிலான ஐந்து ஆண்டுகளுக்கானவை என்று நியூயார்க் போஸ்ட் செய்தி வெளியிட்டுள்ளது.
எங்கு பொருட்கள் அனுப்பப்பட்டன?
இந்த ரசீதுகளில் உள்ள பொருட்கள், நியூயார்க் மான்ஹாட்டனில் உள்ள அவரது வீடு, ஃப்ளோரிடாவின் வெஸ்ட் பாம் பீச் வீடு, “லிட்டில் செயின்ட் ஜேம்ஸ்” எனப்படும் அவரது தனிப்பட்ட தீவு ஆகிய இடங்களுக்கு அனுப்பப்பட்டதாக பதிவுகள் தெரிவிக்கின்றன.
வாங்கிய பொருட்கள் என்ன?
இந்த ரசீதுகளில் சில பொருட்கள் பெரும் சர்ச்சையை ஏற்படுத்தியுள்ளன.
குழந்தைகளுக்கான பள்ளி சீருடைகள்:
2017 ஏப்ரலில், செரோகீ என்ற நிறுவனத்திலிருந்து 4 சிறுமிகளுக்கான பள்ளி சீருடைகளை அவர் ஆர்டர் செய்திருந்தார். இதில் முழு உடை, சிறுமிகளுக்கான சிறிய பை, மற்றும் ஒரு பிரபல நிறுவனத்தின் பிளீட்டட் ஸ்கர்ட் ஆகியவை அடங்கும். இவை அனைத்தும் அவரது நியூயார்க் இல்லத்திற்கு அனுப்பப்பட்டுள்ளன.
உடல்நலம் மற்றும் தனிப்பட்ட பயன்பாட்டு பொருட்கள்:
2018 ஆம் ஆண்டில் “சோனிக் புரோஸ்டேட் மசாஜர் (Sonic prostate massager)” என்ற ஒரு மருத்துவப் பயன்பாட்டுக்கான சாதனத்தையும், 2017 இல் “Vagifirm” என்ற மூலிகை மாத்திரைகளையும் அவர் வாங்கியதற்கான ரசீதுகள் உள்ளன..
வேடிக்கை உடைகள் மற்றும் அதிகார சின்னங்கள்:
2018 ஆகஸ்டில் கைதி உட, FBI வேடம், இஸ்ரேல் பாதுகாப்புப் படை போர்சட்டை, சோனா தொப்பிகள், 2017 ஜூலையில் டக்ஸிடோ உள்ளிட்ட அதிகாரபூர்வ உடைகள் ஆகியவையும் அவரது ஆர்டர்களில் இடம்பெற்றுள்ளன.
ஏன் இது முக்கியம்?
வாங்கப்பட்ட பொருட்கள் அனைத்தும் எப்ஸ்டீன் மீது சுமத்தப்பட்ட பாலியல் கடத்தல் மற்றும் சிறுமிகள் மீதான குற்றச்சாட்டுகளின் பின்னணியில் பார்க்கப்படுவதால், அவரது செயல்பாடுகள் குறித்து மேலும் கேள்விகளை எழுப்பியுள்ளன. குறிப்பாக, சிறுமிகளுக்கான பள்ளி சீருடைகள் மற்றும் அதிகாரத்தை பிரதிபலிக்கும் வேடங்கள் வாங்கப்பட்டிருப்பது பெரும் அதிர்ச்சியையும் சந்தேகங்களையும் ஏற்படுத்தியுள்ளது.
இந்த ஆவணங்கள் வெளியானதன் மூலம், எப்ஸ்டீனின் வாழ்க்கை முறையும் அவர் நடத்தியதாக கூறப்படும் குற்றங்களும் மீண்டும் உலகளாவிய விவாதத்தின் மையமாகியுள்ளது.
அமெரிக்காவின் நீதித்துறை அமைச்சகம் (US Department of Justice) வெளியிட்ட 1,006 அமேசான் மின்னஞ்சல் ரசீதுகள், ஜெஃப்ரி எப்ஸ்டீன் கடந்த பல ஆண்டுகளில் செய்த வாங்குதல்களை வெளிச்சத்திற்கு கொண்டு வந்துள்ளன. அந்த ஆவணங்களில் உள்ள முக்கிய தகவல்கள் இதோ:
குழந்தைகளுக்கான பொருட்கள்:
எப்ஸ்டீன் தனது மான்ஹாட்டன் இல்லத்துக்கு குழந்தைகள் மற்றும் சிறார்களுக்கான உடைகள், கைக்குழந்தைகளுக்கான பொம்மைகள், ராட்டில், கட்டிகள், அடுக்குப் பொம்மைகள் போன்றவற்றை ஆர்டர் செய்திருப்பது தெரிய வந்துள்ளது.
உளவு மற்றும் கண்காணிப்பு சாதனங்கள்:
பல ஆண்டுகளாக குறைந்தது 9 ஜோடி பைனாக்குலர் (தொலைநோக்கிகள்) வாங்கியுள்ளார். இவை சில இராணுவ பாணியில், அதிக சக்தி கொண்டவையாகவும் இருந்துள்ளன. சிலவற்றின் விலை 200 டாலரைத் தாண்டியது.
உணவுப் பொருட்கள்:
ட்விங்கீஸ், ரிங் டிங்ஸ், டெவில் டாக்ஸ், காபி கேக், சாக்லேட் பார்கள், காந்தி, குக்கீஸ் போன்ற இனிப்புகள் மற்றும் சில்லறை உணவுப் பொருட்களை அடிக்கடி வாங்கியுள்ளார்.
ஆரோக்கியம் தொடர்பான பொருட்கள்:
2014 ஜூலையில், தூக்கத்தின்போது சுவாச பிரச்சனைக்கு பயன்படுத்தப்படும் CPAP இயந்திரம் மற்றும் அதன் உபகரணங்களை வாங்கியுள்ளார். மேலும் நினைவாற்றல், மூளை செயல்பாடு, செரிமானம் ஆகியவற்றுக்கான ஊட்டச்சத்து மாத்திரைகள் போன்றவற்றையும் ஆர்டர் செய்துள்ளார்.
“Filthy Rich: The Jeffrey Epstein Story” – என்ற புத்தகத்தை ஐந்து பிரதிகள் வாங்கியுள்ளார். மேலும் இயக்குநர் வூடி ஆலன் வாழ்க்கை வரலாறு, சுவிஸ் வங்கி ரகசியம், அமரத்தன்மை, அடால்ஃப் ஹிட்லர், மேற்கத்திய தந்திர யோகம், வ்லாதிமிர் நபோகோவின் Lolita உள்ளிட்ட பல்வேறு தலைப்புகளில் நூல்களையும் வாங்கியுள்ளார்.
இந்த அனைத்து தகவல்களும், 2019 ஆம் ஆண்டு மான்ஹாட்டன் சிறையில் மர்மமான முறையில் உயிரிழந்த ஜெஃப்ரி எப்ஸ்டீனின் வாழ்க்கை முறையை மேலும் சர்ச்சைக்குரியதாக மாற்றியுள்ளது.
