திரையுலகில் பல உயர்மட்ட வழக்குகளை கையாண்ட ஒரு தனியார் துப்பறிவாளர் தன்யா புரி. இவர் தற்போது, ஒரு முன்னணி பாலிவுட் நடிகரைச் சேர்ந்த திருமணத்தை மீறிய விவகாரம் குறித்து வெளிப்படையாக பேசியுள்ளார். அந்த நடிகரின் மனைவியின் மேலாளர், தனது கணவரின் நடவடிக்கைகள் குறித்து விசாரிக்க தன்னை அணுகியதாகவும், விசாரணையின் போது அந்த நடிகர் பல இளம் நடிகைகளுடன் உறவுகளில் இருந்தது தெரிய வந்ததாகவும் அவர் தெரிவித்தார்.
துப்பறிவாளர் தன்யா புரி, சித்தார்த் கன்னனுக்கு அளித்த பேட்டியில்,
“பாலிவுட்டில் திருமணத்துக்கு வெளியான உறவுகள் நிறைய இருக்கின்றன. ஆனால் யாரும் அதைப் பற்றி பேச மாட்டார்கள். எல்லோரும் ஒரு ‘பரிபூரணமான’ படிமத்தை காட்ட விரும்புகிறார்கள். நான் பேசுவது, வயது அதிகமில்லாத, 2000-களின் தொடக்கத்தில் திருமணம் செய்துகொண்ட ஒரு ஜோடியைப் பற்றி,” என்றார்.
மேலும் “அந்த உறவில், கணவர் வெளிப்படையாகவே துரோகம் செய்கிறார். மிகவும் இளம் நடிகைகளுடன் தொடர்பில் இருக்கிறார். அவர் நடித்த 2–3 படங்களில் கூட, இளம் நடிகைகளுடன் அவருக்கு தொடர்பு இருந்ததாக பல தகவல்கள் வெளியே வந்துள்ளன,” என்றார்.
தொடர்ந்து பேசிய அவர் “மனைவிக்கும் இது தெரியும். குழந்தைகளுக்கும் தெரியும். அவர்களுக்கு இரண்டு வளர்ந்த குழந்தைகள் இருக்கிறார்கள்; அவர்கள் கூட இந்தத் தந்தையின் நடவடிக்கைகளை நன்றாக அறிந்திருக்கிறார்கள். ஆனால் கேமரா முன்பு அவர்கள் ஒரு சிறந்த தம்பதியாகத் தோன்றுகிறார்கள். மனைவி மிகவும் படித்தவர், கேமரா முன்பு இருவரும் நன்றாக இணைந்து செயல்படுகிறார்கள். ஆனால் திரைக்குப் பின்னால், அவர் பல பெண்களுடன் உறவு வைத்திருக்கிறார்,” என்று அவர் கூறினார்.
விசாரணை எப்படி தொடங்கியது?
இந்த வழக்கில் நேரடியாக மனைவி தங்களை அணுகவில்லை என்றும், அவரது மேலாளர்தான் அணுகியதாக தன்யா விளக்கினார். “மனைவி, மேலாளருக்கு எங்களை அணுக அனுமதி கொடுத்தார். நாங்கள் நடிகரை விசாரித்தபோது, அவர் பல இடங்களில் தொடர்புகளில் இருந்தது தெரிய வந்தது. நடிகைகளுக்கு பல விஷயங்களை உதவியாக கொடுத்து, அதற்குப் பதிலாக அவர்களிடமிருந்து பலன்களை பெற்றுள்ளார்,” என்றார்.
மனைவி துப்பறிவாளரை நியமித்தது பற்றி கணவரிடம் கேட்டபோது, அவர் அனைத்தையும் ஒப்புக்கொண்டார். அவரது நடத்தைவே எல்லாவற்றையும் காட்டியது. படப்பிடிப்பு இல்லாத இடங்களுக்கே அவர் பயணம் செய்தார். அவர் சொன்ன தகவல்களில் நிறைய முரண்பாடுகள் இருந்தன. அதனால்தான் மனைவிக்கு சந்தேகம் வந்து, எங்களை நியமித்தார்,” என்றார்.
எப்போது மனைவி நடவடிக்கை எடுத்தார்? ஏன்?
திருமண வாழ்க்கையில் சுமார் 20 ஆண்டுகள் கடந்த பிறகே மனைவி இந்த விசாரணையை தொடங்கியதாக தன்யா தெரிவித்தார். “அவர்களுக்கு உடலுறவை விட மனநலம் முக்கியமானதாக இருந்தது. வேறு ஒருவருடன் உடலுறவு வைத்துக்கொள்வதை அவர்கள் உடனடியாக துரோகமாகக் கருதவில்லை. அதனால் மனைவி தொடர்ந்து மன்னித்து வந்தார். ஆனால் குழந்தைகள் இதில் ஈடுபட்டபோது, அவர் சகிப்புத்தன்மை முடிவுக்குவந்தது.. அது அவருக்கு மிகவும் சங்கடமான நிலையாக இருந்திருக்கும். அவருக்கு உடல் துரோகத்தை விட மனதளவிலான துரோகம் தான் முக்கியமாகத் தோன்றியது,” என்றார்.
இந்த விவகாரத்தில் எதிர்கொண்டபோது, அந்த நடிகர் குழந்தைகளுக்காகதனது பழக்கங்களை மாற்றிக்கொள்வதாக உறுதியளித்ததாக கூறப்படுகிறது. இருப்பினும், இந்த வழக்கில் தொடர்புடைய யாருடைய பெயரும் வெளியிடப்படவில்லை.
Read More : இந்த வங்கியில் ரூ.1 லட்சம் டெபாசிட் செய்தால், ரூ.41,478 வட்டி கிடைக்கும்!
