ஆந்திரப் பிரதேசத்தின் கர்னூல் மாவட்டத்திற்கு அருகே இன்று அதிகாலை 3 மணியளவில் பேருந்து தீபிடித்து எரிந்த விபத்தில் சுமார் 20க்கும் மேற்பட்டோர் உயிரிழந்திருக்கலாம் என்ற அதிர்ச்சி தகவல் வெளியாகியுள்ளது.
நேற்று இரவு ஹைதராபாத்தில் இருந்து பெங்களூரு நோக்கி காவேரி டிராவல்ஸ் பேருந்து சென்றுக்கொண்டிருந்தது. இந்தநிலையில், காலை 3 மணி அளவில் ஆந்திரப் பிரதேசத்தின் கர்னூல் மாவட்டத்தின் புறநகர்ப் பகுதியில் உள்ள சின்னதேகுரு கிராமம் அருகே சென்றுக்கொண்டிருந்த மீது இருசக்கர வாகனம் ஒன்று மோதியது. இதையடுத்து, பேருந்து தீபிடித்து எரிந்தது. சில நிமிடங்களில், தீப்பிழம்புகள் முழு வாகனத்தையும் சூழ்ந்தன. தற்போது 20 பேர் உயிரிழந்தது உறுதி செய்யப்பட்டுள்ளது. பேருந்தில் 40 பயணிகள் இருந்ததால், பலி எண்ணிக்கை மேலும் அதிகரிக்கக்கூடும் என்ற அச்சம் எழுந்துள்ளது. பன்னிரண்டு பயணிகள் ஜன்னல் கண்ணாடிகளை உடைத்து தப்பினர்.
நேரில் கண்ட சாட்சிகளின் கூற்றுப்படி, பைக் மீது மோதிய பின்னர் பேருந்து தீப்பிடித்து எரிந்தது. சிலர் தப்பிக்க முடிந்தது, மற்றவர்கள் உள்ளேயே எரிந்து இறந்தனர். இரவு நேர வானிலை காரணமாக, சரியான நேரத்தில் உதவி கிடைக்காததால், கணிசமான உயிர் மற்றும் சொத்து இழப்பு ஏற்பட்டது. மீட்பு மற்றும் தீயணைப்பு நடவடிக்கைகள் தற்போது நடைபெற்று வருகின்றன, மேலும் உயிரிழப்புகளின் சரியான எண்ணிக்கையை அதிகாரிகள் இன்னும் உறுதிப்படுத்தவில்லை. உயிரிழந்தவர்களின் குடும்பங்களுக்கு முதலமைச்சர் என். சந்திரபாபு நாயுடு இரங்கல் தெரிவித்துள்ளார்.
“கர்னூல் மாவட்டத்தில் உள்ள சின்ன தேகூர் கிராமத்திற்கு அருகே நடந்த பயங்கர பேருந்து தீ விபத்து குறித்து அறிந்து நான் மிகவும் வருத்தமடைந்தேன். தங்கள் அன்புக்குரியவர்களை இழந்தவர்களின் குடும்பங்களுக்கு எனது ஆழ்ந்த இரங்கலைத் தெரிவித்துக் கொள்கிறேன். காயமடைந்த மற்றும் பாதிக்கப்பட்ட குடும்பங்களுக்கு அரசு அதிகாரிகள் அனைத்து உதவிகளையும் வழங்குவார்கள்” என்று முதல்வர் சந்திரபாபு நாயுடு X இல் ஒரு பதிவில் தெரிவித்துள்ளார்.
சம்பவம் குறித்த விவரங்களை சேகரிக்க மாநில தலைமைச் செயலாளர் மற்றும் பிற அதிகாரிகளுடன் அவர் பேசியுள்ளார், மேலும் அனைத்து மூத்த அதிகாரிகளும் சம்பவ இடத்திற்கு விரைந்து மீட்பு நடவடிக்கைகளில் பங்கேற்குமாறு உத்தரவிட்டுள்ளார். காயமடைந்தவர்களுக்கும் பாதிக்கப்பட்டவர்களுக்கும் தேவையான உதவிகளை வழங்கவும் முதலமைச்சர் உத்தரவிட்டார். இறப்பு எண்ணிக்கை உயராமல் தடுக்க தேவையான நடவடிக்கைகளை எடுக்குமாறு அவர் அறிவுறுத்தினார்.
Readmore: மழை சீசன்!. தொற்றுநோய்களில் இருந்து பாதுகாக்கும் பூண்டு!. ஆரோக்கிய நன்மைகள் இதோ!.
