தூக்க மாத்திரை உட்கொள்வதால் ஏற்படும் பக்க விளைவுகள் பற்றி இந்தப் பதிவில் தெரிந்து கொள்வோம்.
மருத்துவர்களால் பரிந்துரைக்கப்பட்ட தூக்க மாத்திரைகள் உங்களுக்கு எளிதாக தூங்க அல்லது நீண்ட நேரம் தூங்க உதவும். பல்வேறு பரிந்துரைக்கப்பட்ட தூக்க மாத்திரைகளின் அபாயங்கள் மற்றும் நன்மைகள் வேறுபடலாம். இந்நிலையில் தான், தூக்க மாத்திரை மூளையை பாதிக்கக் கூடும் என சமீபத்திய ஆய்வு ஒன்றில் தெரிவிக்கப்பட்டுள்ளது. இந்த ஆன்டி-கோலினெர்ஜிக் மாத்திரைகள் மற்றும் தூக்க மாத்திரைகள் உங்கள் நினைவாற்றலை படிப்படியாக பலவீனப்படுத்துகிறது. ஒரு நபரின் சிந்திக்கும் மற்றும் புரிந்துகொள்ளும் திறன் கூட குறைகிறது.
உலகம் முழுவதும், தூக்க மருந்து பயன்படுத்துவோரின் இறப்பு விகிதம் அதிகரித்துள்ளது. தூக்க மாத்திரைகளின் பயன்பாடு உயர் இரத்த அழுத்தம் மற்றும் இதய நோய் அபாயத்தை அதிகரிக்கிறது. தூக்க மாத்திரைகளை எடுத்துக்கொள்வதற்கு முன், நீங்கள் ஒரு மருத்துவரை அணுகுவது அவசியம் ஆகும். அதன் வழக்கமான நுகர்வு மூலம் மலச்சிக்கல், சோம்பல், பலவீனமான நினைவாற்றல், வயிற்று வலி மற்றும் தலைச்சுற்றல் போன்ற பிரச்சனைகளை சந்திக்கக் கூடும்.
எனவே, நீங்கள் தூங்குவதற்கு உதவும் டிப்ஸை தற்போது பார்க்கலாம். அறிவாற்றல் நடத்தை சிகிச்சை மூலம் கற்றுக்கொள்ளும் நடத்தை மாற்றங்கள் பொதுவாக தொடர்ச்சியான தூக்கமின்மைக்கு சிறந்த சிகிச்சையாகும். வழக்கமான அட்டவணையில் தூங்குவது, தொடர்ந்து உடற்பயிற்சி செய்வது, பிற்பகலில் காஃபின் தவிர்ப்பது, பகல்நேர தூக்கத்தைத் தவிர்ப்பது மற்றும் மன அழுத்தத்தைக் கட்டுக்குள் வைத்திருப்பது ஆகியவை உதவும். ஆனால், சில சமயங்களில் பரிந்துரைக்கப்பட்ட தூக்க மாத்திரைகளைச் சேர்ப்பது உங்களுக்கு மிகவும் தேவையான ஓய்வைப் பெற உதவும்.
எழுவதற்கும், தூங்குவதற்கும் ஒரு நேரத்தை அமைக்க வேண்டும். இதன் மூலம், உங்கள் முழு நடைமுறையும் சரியாக இருக்கும். மேலும், நீங்கள் புத்துணர்ச்சியுடன் இருப்பீர்கள். தூங்காமல் இருப்பதில் உங்கள் மொபைலும், டிவியும் முக்கிய பங்கு வகிக்கிறது. எனவே, தூங்க செல்லும் முன் மொபைல், டிவி பார்ப்பதை தவிர்த்துவிடுங்கள். தூங்கி சரியான நேரத்தில் எழுந்திருங்கள். உறங்கும் போது நல்ல எண்ணங்களை மனதில் வைத்துக் கொண்டு தூங்கினால், நல்ல உறக்கம் பெறலாம். தூங்கும் முன், கை, கால்களைக் கழுவிவிட்டு படுக்கைக்குச் செல்லுங்கள். மேலும், உள்ளங்காலில் ஏதேனும் எண்ணெய் கொண்டு மசாஜ் செய்யவும். இதனால் தூக்கமின்மை பிரச்சனை நீங்கும். மேலும், தூங்குவதற்கு முன் காபி, டீ குடிக்கும் பழக்கம் இருந்தால் அதை கட்டாயம் தவிர்க்க வேண்டும்.
