புதிய அறிவியல் ஆய்வு ஒன்று, நாஜி அதிபர் அடால்ஃப் ஹிட்லரின் உடல் மற்றும் மரபணு (ஜெனெடிக்) நிலைகளைக் குறித்து பல தசாப்தங்களாக பேசப்பட்டு வந்த வதந்திகளை மீண்டும் உயிர்ப்பித்துள்ளது. இந்த ஆய்வில், ஹிட்லர் Kallmann Syndrome எனப்படும் ஒரு குறைபாட்டால் பாதிக்கப்பட்டிருக்க வாய்ப்புள்ளது என்று விஞ்ஞானிகள் கூறுகின்றனர்.
அதாவது, மிகக் குறைந்த டெஸ்டோஸ்டிரோன் அளவுகள் மற்றும் சிறிய ஆண்குறியை ஏற்படுத்தக்கூடிய கோளாறு. இந்த கண்டுபிடிப்புகள் “Hitler’s DNA: Blueprint of a Dictator” என்ற இரண்டு பகுதிகளைக் கொண்ட ஆவணப்படத்தில் வெளியாக உள்ளன. இந்த ஆவணப்படம் இந்த வார இறுதியில் இங்கிலாந்தின் Channel 4-ல் ஒளிபரப்பப்படுகிறது.
சர்வதேச மரபணு நிபுணர்கள் மற்றும் வரலாற்றாசிரியர்கள் அடங்கிய ஒரு குழு, 1945 ஆம் ஆண்டு ஹிட்லர் தற்கொலை செய்ததாக நம்பப்படும் சோஃபாவில் இருந்த இரத்தத் துளிகள் படிந்த துணி ஒரு துண்டிலிருந்து பெறப்பட்ட DNA-வை ஆய்வு செய்து இந்த முடிவுகளை எடுத்துள்ளனர்.
வரலாற்றாசிரியர்கள் பல ஆண்டுகளாக ஹிட்லர் பெண்களிடம் அசௌகரியமாக நடந்து கொண்டது, மேலும் அவரின் குறைவான நெருக்கமான உறவுகள் குறித்து கவனம் செலுத்தி வந்துள்ளனர். இந்த புதிய கண்டுபிடிப்புகளின் மூலம், இந்த நடத்தை இப்போது மேலும் தெளிவாக புரியக்கூடும் என்று பாட்ஸ்டாம் பல்கலைக்கழகத்தின் பேராசிரியர் அலெக்ஸ் கே தெரிவித்தார்.
மேலும் “ஹிட்லருக்கு பெண்களிடம் ஏன் இத்தனை அசௌகரியம் இருந்தது என்பதை இதுவரை யாரும் துல்லியமாக விளக்க முடியவில்லை. அவர் கால்மேன் சிண்ட்ரோம் கொண்டிருந்தால், அவரை நன்கு அறிந்தவர்களின் விளக்கங்களுடன் இது பொருந்தக்கூடிய ஒரு காரணமாக இருக்கலாம்.” என்று தெரிவித்தார்..
மரபணு பரிசோதனையில் கண்டுபிடிக்கப்பட்ட சாத்தியக்கூறுகள்
ஆவணப்படத்தை தயாரித்த Blink Films வெளியிட்ட அறிக்கையில் “ பரிசோதனைகள் ஹிட்லருக்கு கால்மேன் சிண்ட்ரோம் இருக்க “உயர் சாத்தியம்” இருப்பதைக் காட்டுகின்றன. மேலும் ஆட்டிசம், ஸ்கிட்ஸோஃப்ரேனியா மற்றும் பய்போலர் டிஸ்ஆர்டர் போன்ற நிலைகளுக்கான மரபணு முன்விருப்பு (genetic predisposition) இருப்பதையும் குறிப்பிட்டன. ஆனால் இது ஹிட்லரின் கொடூரச் செயல்களுக்கு நியாயப்படுத்தாது..” என்று தெரிவிக்கப்பட்டுள்ளது..
இந்த மரபணு அல்லது மருத்துவ நிலைகள் எதுவும் ஹிட்லரின் சிந்தனைகள், முடிவுகள், அல்லது அவர் ஆட்சி காலத்தில் நடந்த கொடுமைகளை விளக்கவோ, நியாயப்படுத்தவோ முடியாது என்று நிபுணர்கள் கூறுகின்றனர்..
கிங் ரிச்சர்ட் III-ன் எலும்புக்கூட்டை கண்டறிந்ததற்காகப் பிரபலமான மரபணு நிபுணர் டுரி கிங் இதுகுறித்து பேசிய போது “ ஹிட்லரின் கொள்கைகள் யூஜெனிக்ஸ் (உயிரியல் இனச் சுத்தம்) பற்றிய கருத்துகளை அடிப்படையாகக் கொண்டிருந்தன. ஆனால் அவ்வாறான அளவுகோல்களின் படி அவர் தன்னுடைய DNA-வை சொல்லாய்வு செய்திருந்தால், தானே ‘தகுதியற்றவர்’ என்று முடிவு செய்திருப்பார். இந்த முடிவுகள், இரண்டாம் உலகப் போரின் போது நாசிகள் தாமே துன்புறுத்தி அழிக்க முயன்றோரின் மரபணு வகைப்பாட்டிலேயே ஹிட்லரைச் சேர்த்துவிடுகின்றன.” என்று தெரிவித்தார்..
ஆய்வாளர்கள் மேலும் ”இப்போது வெளிச்சத்துக்கு வந்த உயிரியல் காரணங்கள் எதுவும் ஹிட்லரின் செயல்களுக்கு விடுபட்ட காரணமாக இருக்க முடியாது; மனித வரலாற்றின் மிகக் கருமையான அத்தியாயங்களில் ஒன்றை வடிவமைத்ததற்கான அவரின் பொறுப்பு குறையாது.” என்று தெரிவித்தார்.
