ஆசிய கோப்பை கிரிக்கெட் போட்டிகள் முடிவடைந்ததை அடுத்து, ஐசிசி டி20 தரவரிசைப் பட்டியல் வெளியாகியுள்ளது.
ஆசிய கோப்பையில் ஆப்கானிஸ்தான் அணிக்கு எதிராக அபார சதம் விளாசிய விராட் கோலி, மீண்டும் ஃபார்ம்-க்கு திரும்பியுள்ளார். கோலியின் இந்த சதத்தால், தரவரிசைப் பட்டியலில் 14 இடங்கள் முன்னேறியுள்ளார். தற்போது ஐசிசி டி20 தரவரிசையில் விராட் கோலி 15-வது இடத்தை பிடித்துள்ளார். அதே நேரத்தில் ரோகித் சர்மா 14-வது இடத்தில் உள்ளார். இந்தப் பட்டியலில் 15 இடங்களுக்குள் 3 இந்தியர்கள் மட்டுமே இடம்பெற்றுள்ளனர்.
ஆசிய கோப்பையைத் தொடர்ந்து, விராட் கோலி டி20 தரவரிசையில் 33-வது இடத்தில் இருந்து 15-வது இடத்திற்கு முன்னேறியுள்ளதை அவரது ரசிகர்கள் கொண்டாடி வருகின்றனர். தரவரிசைப் பட்டியலில் முதலிடத்தில் உள்ள பேட்ஸ்மேன்கள் அபாரமான மீட்சியை பெற்றுள்ள கோலியிடம் இருந்து மீண்டும் ஒரு சவாலை எதிர்கொண்டுள்ளனர். தரவரிசைப் பட்டியலில் 792 புள்ளிகளுடன் முகமது ரிஸ்வான் முதலிடத்தை தக்க வைத்துள்ளார். இரண்டாவது இடத்தில் தென்னாப்பிரிக்க வீரர் ஆடம் மார்க்ரம் இருக்கிறார். அதேபோல், மூன்றாவது இடத்தில் பாபர் அசாம், நான்காவது இடத்தில் சூர்யகுமார் யாதவ், ஐந்தாம் இடத்தில் டேவிட் மலான் இருக்கிறார்.
