மத்திய பணியாளர் தேர்வாணையம் ஒருங்கிணைந்த பட்டதாரி நிலை தேர்வுக்கான பதிவு செயல்முறையை ஏப்ரல் 1, 2023 முதல் தொடங்கும் என தெரிவிக்கப்பட்டுள்ளது. ஆர்வமுள்ள விண்ணப்பதாரர்கள் ssc.nic.in என்ற ஆணையத்தின் அதிகாரப்பூர்வ இணையதளத்திற்குச் சென்று அதற்கு விண்ணப்பிக்கலாம். விண்ணப்பப் படிவத்தைச் சமர்ப்பிப்பதற்கான கடைசித் தேதி மே 1, 2023 ஆகும். இந்த ஆண்டு, SSC CGL 2023 தேர்வை ஜூன் மற்றும் ஜூலை 2023 இல் ஆணையம் நடத்தும் என்ற தகவலும் வெளியாகியுள்ளது.
இது குறித்து ஆணையம் தனது ட்விட்டரில், “SSC- CGL 2023க்கான ஆன்லைன் விண்ணப்பங்கள் 1 ஏப்ரல் 2023 அன்று தொடங்கும், தேர்வர்கள் 1 மே 2023 வரை விண்ணப்பிக்கலாம். அதன் ஆன்லைன் தேர்வு ஜூன், ஜூலை 2023 இல் நடத்த உத்தேசிக்கப்பட்டுள்ளதாக தெரிவித்துள்ளது.
SSC CGL தேர்வுக்கு எப்படி விண்ணப்பிப்பது..?
ஆர்வமுள்ள விண்ணப்பதாரர்கள் பணியாளர் தேர்வாணையத்தின் அதிகாரப்பூர்வ வலைத்தளம் மூலம் ஆன்லைனில் விண்ணப்பிக்கலாம்.
முதலில் பணியாளர் தேர்வு ஆணையத்தின் அதிகாரப்பூர்வ இணையதளமான ssc.nic.in ஐ பார்வையிடவும். பின்னர் முகப்புப் பக்கத்தில், பதிவு என்ற இணைப்பைக் கிளிக் செய்யவும். அடுத்து போர்ட்டலில் உள்நுழைந்து பதவிக்கு விண்ணப்பித்து தேவையான ஆவணங்களை பதிவேற்றவும்.விண்ணப்பக் கட்டணத்தைச் செலுத்தி படிவத்தைச் சமர்ப்பிக்கவும். இறுதியில் படிவத்தை பதிவிறக்கம் செய்து கொள்ள வேண்டும்.
