பைக் மற்றும் ஸ்கூட்டர்களின் விலையை திடீரென உயர்த்தி, இரு சக்கர வாகன தயாரிப்பு நிறுவனமாக ஹீரோ மோட்டாகார்ப் (Hero moto corp) நிறுவனம் அறிவித்துள்ளது.
உதிரி பாகங்களின் விலை உயர்வு, பணவீக்கம் உள்ளிட்ட பல்வேறு காரணங்களால் இருசக்கர வாகன தயாரிப்பு நிறுவனமான ஹீரோ மோட்டாகார்ப் (Hero moto corp) நிறுவனம், செப்டம்பர் 22ஆம் தேதி முதல் தங்களது பைக் மற்றும் ஸ்கூட்டர்களின் விலையை ரூ.1000 வரை உயர்த்தியுள்ளது. ஒவ்வொரு மாடல்கள் மற்றும் சந்தைக்கு ஏற்ப இந்த விலை உயர்வு மாறக்கூடும். இன்றைக்கு மக்கள் பொது போக்குவரத்தினை பயன்படுத்துவதை விட இருசக்கர வாகனங்களைத்தான் அதிகளவில் பயன்படுத்துகின்றனர்.
இருசக்கர வாகனங்களில் நினைத்த இடத்திற்கு எந்த நேரத்திலும் செல்ல முடியும். எப்போது வேண்டுமானாலும் வண்டியை நிறுத்திவிட்டு ஓய்வு எடுக்கலாம் என்பது போன்ற பல காரணங்களுக்காகவே பைக் மற்றும் ஸ்கூட்டர்கள் வாங்குவதில் மக்கள் அதிக ஆர்வம் காட்டுகின்றனர். குறிப்பாக, பண்டிகைக்காலம் நெருங்கும் சமயத்தில் ஒவ்வொரு நிறுவனங்களும் தள்ளுபடியை அறிவிக்கும் என்பதால் அதற்காக மக்களில் சிலர் காத்திருப்பார்கள். இதுபோன்ற மனநிலையில் உள்ள வாடிக்கையாளர்களுக்கு ஏமாற்றும் அளிக்கும் விதமாகதான் உள்ளது. தற்போது ஹீரோ மோட்டோ கார்ப் நிறுவனம் நடைமுறைப்படுத்தியுள்ள பைக் மற்றும் ஸ்கூட்டர்களின் விலை உயர்வு, தற்போது தொடர்ச்சியாக அதிகரித்து வரும் செலவீனங்கள் மற்றும் உதிரி பாகங்களின் விலை உயர்வு போன்ற பல காரணங்களால் ரூ. 1000 வரை விலை உயர்த்தப்பட்டுள்ளது.
இந்தியாவில் Hero MotoCorp இன் தற்போதைய தயாரிப்பு போர்ட்ஃபோலியோ ரூ.55,450 முதல் ரூ.1,36,378 வரையிலான பதினான்கு மோட்டார் சைக்கிள்களையும் (எக்ஸ்-ஷோரூம்) ரூ.66,250 முதல் ரூ.77,078 வரையிலான நான்கு ஸ்கூட்டர்களையும் உள்ளடக்கியது (எக்ஸ்-ஷோரூம்). இதில் விலையைத் தவிர வாகனங்களில் எவ்விதமான மாற்றங்கள் செய்யப்படவில்லை என்றும் இந்நிறுவனம் தெரிவித்துள்ளது.
விலை உயர்ந்துள்ள பைக்குகளின் பட்டியல்:
Splendor+: ரூ.70,658
Splendor+ XTEC: ரூ 74,928
எச்எஃப் டீலக்ஸ்: ரூ 59,890
HF 100: ரூ 55,450
Glamour XTEC: ரூ 84,220
Passion XTEC: ரூ 75,840
சூப்பர் ஸ்பிளெண்டர்: ரூ.77,500
கிளாமர் : ரூ 77,900
கிளாமர் கேன்வாஸ்: ரூ. 80,020
பேஷன் ப்ரோ: ரூ 74,290
எக்ஸ்ட்ரீம் 160ஆர்: ரூ 1,17,748
XTREME 200S: ரூ 1,34,242
XPULSE 200 4V: ரூ 1,36,378
XPULSE 200T: ரூ 1,24,278
விலை உயர்ந்துள்ள ஸ்கூட்டர்களின் விலை பட்டியல்:
Pleasure+: Rs 66,250
டெஸ்டினி 125 XTEC: ரூ. 70,590
புதிய மேஸ்ட்ரோ எட்ஜ் 125: ரூ. 77,078
மேஸ்ட்ரோ எட்ஜ் 110: ரூ. 66,820
