தமிழகம் முழுவதிலும் போக்குவரத்து மேலாண்மை என்பது ஒரு தீவிரமான பிரச்சினையாக இருக்கிறது. சாலைகள் அதிக அளவில் நெரிசலை எதிர்கொள்கின்றன மற்றும் போக்குவரத்து விதிமுறைகள் அதிக உள்ளது. இதன் விளைவாக, அதிக எண்ணிக்கையிலான போக்குவரத்து விதிமீறல்களைக் கையாள்வதற்காக அரசாங்கம் அபராத தொகையை செலுத்த இ-சலான் முறையை அறிமுகப்படுத்தியுள்ளது.
இ-சலானை ஆன்லைனில் செலுத்தலாம், ஆனால் அதை எப்படி மேற்கொள்வது என்ற முழுமையான செயல்முறை விவரம் பலருக்கு தெரிந்திருக்காது. உங்கள் இ-சலான் வைத்து ஆன்லைனிலும் ஆஃப்லைனிலும் எப்படிச் செலுத்தலாம் என்பதைப் பற்றிப் பார்ப்போம்.
தமிழகத்தில், போக்குவரத்து விதிமீறல் செய்பவர்களை அடையாளம் காணும் பொறுப்பு, போக்குவரத்து போலீசாரிடம் உள்ளது. பல இடங்களில் கேமரா அமைப்பு மூலம் விதிமீறலைக் கண்டறிந்த பிறகு போக்குவரத்து காவல்துறை மற்றும் ஆர்டிஓ அதிகாரிகளால் இ-சலான் வழங்கல் மேற்கொள்ளப்படுகிறது. நகரங்களில் உள்ள தெருக்களில் குறிப்பிட்ட இடங்களில் கேமராக்கள் அமைக்கப்பட்டு நிகழ்நேர மீறல்களைப் பதிவு செய்கின்றன. அதைத் தொடர்ந்து, தானியங்கி மின் சலான்களை உருவாக்குகிறது. கொடுக்கப்பட்டுள்ள படிகளைப் பின்பற்றுவதன் மூலம் நீங்கள் தமிழ்நாடு மின் சலனை ஆன்லைனில் செலுத்தலாம்.
ஆன்லைன் மூலம் எப்படி அபராதம் செலுத்துவது..? உங்கள் வாகனத்தின் மீது எவ்வளவு அபராத தொகை உள்ளது என்பதை எப்படி பார்ப்பது…?
நீங்கள் உங்கள் அபராத தொகையை செலுத்த முதலில் https://echallan.parivahan.gov.in/index/accused-challan என்ற இணையதளத்தை பார்வையிடவும்.
அடுத்து சலான் எண், உங்கள் வாகனப் பதிவு எண் அல்லது உங்கள் ஓட்டுநர் உரிமம் எண்ணை உள்ளிடவும்.
பின்னர் வரும் கேப்ட்சா குறியீட்டை உள்ளிட்டு, ‘விவரங்களைப் பெறு’ என்பதைக் கிளிக் செய்யவும்.
இப்போது, குற்றத்தின் விவரங்களையும் நிலுவையில் உள்ள கட்டணங்களையும் நீங்கள் சரி பார்க்க வேண்டும்.
பின்னர் போக்குவரத்து அபராதத்திற்கான கட்டணத்தை செலுத்த வேண்டும்.
உங்கள் பணம் செலுத்தப்பட்டதும், உறுதிப்படுத்தல் செய்தி மற்றும் பரிவர்த்தனை ஐடியைப் பெறுவீர்கள், மேலும் உங்கள் இ-சலான் பணம் செலுத்தப்படும்.
ஆன்லைன் முறைகளான நெட் பேங்கிங், யுபிஐ பணப்பரிவர்த்தனை, கிரெடிட் கார்டு, டெபிட் கார்டு போன்ற அனைத்து வசதிகளையும் பயன்படுத்தி அபராத தொகையை செலுத்த முடியும்.
ஆஃப்லைனில் செலுத்துவது எப்படி?
அருகிலுள்ள போக்குவரத்து காவல் நிலையத்திற்கு சென்று உங்களின் இ சலான் நகலை சமர்ப்பித்து அபராத தொகையை செலுத்தலாம்.
உங்கள் நிலுவையில் உள்ள சலனைச் செலுத்துவதற்கு அருகிலுள்ள RTO அலுவலகத்தில் கூட தொகையை செலுத்த முடியும்.
