தெற்கு மெக்சிகோ மாநிலமான ஓக்ஸாகாவில் கடலுக்கு இடையேயான ரயில் தடம் புரண்டதை உள்ளூர் அதிகாரிகள் உறுதிப்படுத்தியுள்ளனர். ரயில் தடம் புரண்டு விபத்துக்குள்ளானதில் 13 பேர் உயிரிழந்தனர். இந்த விபத்து அப்பகுதி மக்களிடையே பெரும் கவலையை ஏற்படுத்தியுள்ளது.
ரயிலில் மொத்தம் 250 பயணிகள் இருந்தனர். இவர்களில் 241 பேர் வழக்கமான பயணிகள் மற்றும் ஒன்பது பேர் ரயில் பணியாளர்கள். விபத்துக்குப் பிறகு 193 பேர் பாதுகாப்பாக வெளியேற்றப்பட்டதாகவும், 98 பேர் காயமடைந்ததாகவும் அதிகாரிகள் தெரிவித்தனர். காயமடைந்தவர்களில் 36 பேர் தற்போது மருத்துவ மனையில் சிகிச்சை பெற்று வருகின்றனர்.
காயமடைந்தவர்களில் 5 பேரின் நிலை கவலைக்கிடமாக இருப்பதாகவும், அவர்களை மீட்க அரசு சிறப்பு கவனம் செலுத்தி வருவதாகவும் மெக்சிகோ அதிபர் கிளாடியா ஷீன்பாம் அறிக்கை ஒன்றில் தெரிவித்துள்ளார்.
சிவெலா மற்றும் நிசாண்டா நகரங்களுக்கு இடையில் இந்த விபத்து ஏற்பட்டது. ரயில் தடம் புரண்டதை அடுத்து, அதிகாரிகள் விசாரணையைத் தொடங்கியுள்ளனர், மேலும் விபத்துக்கான காரணங்களை விரைவில் வெளியிடுவார்கள். சம்பவ இடத்துக்குச் சென்ற ரயில்வே நிபுணர்கள், விபத்துக்கான சூழ்நிலைகள் குறித்து ஆய்வு செய்து வருகின்றனர்.
அனைத்து ரயில் போக்குவரத்தும் தற்காலிகமாக நிறுத்தப்பட்டுள்ளது. பாதிக்கப்பட்டவர்களுக்கும் அவர்களது குடும்பத்தினருக்கும் உதவி வழங்க மெக்சிகோ அதிகாரிகள் சிறப்பு நடவடிக்கைகளை மேற்கொண்டு வருகின்றனர். ரயில்வே திணைக்களம், உள்ளாட்சி அமைப்புகள் மற்றும் அவசரகால சேவைகள் சம்பவ இடத்திற்குச் சென்று நிலைமையைக் கட்டுப்படுத்தும் முயற்சியில் ஈடுபட்டுள்ளன.
