இன்றைய காலகட்டத்தில் பெண்களின் சுதந்திரமான பயணங்களுக்கு இருசக்கர வாகனங்கள், குறிப்பாக ஸ்கூட்டர்கள் மிகப்பெரிய உந்துசக்தியாக விளங்குகின்றன. தினசரி அலுவலகப் பயணம், குழந்தைகளைப் பள்ளிக்கு அழைத்துச் செல்வது அல்லது நகருக்குள் சிறிய பயணங்களை மேற்கொள்வது எனப் பெண்களின் தேவைகள் பலதரப்பட்டவை. இவற்றைச் சிறப்பாகப் பூர்த்தி செய்யும் வகையில், ஓட்டுவதற்கு எளிதான, எடை குறைந்த மற்றும் இருக்கை உயரம் குறைவாக உள்ள 5 சிறந்த ஸ்கூட்டர்கள் குறித்து இங்கே காணலாம்.
பெண்களுக்கான டாப் 5 பட்ஜெட் ஸ்கூட்டர்கள்
ஹோண்டா ஆக்டிவா 125 (Honda Activa 125) : இந்திய சாலைகளில் அசைக்க முடியாத நம்பிக்கையைப் பெற்றுள்ள ஹோண்டா ஆக்டிவா 125, அதன் மென்மையான எஞ்சின் இயக்கத்திற்குப் பெயர் பெற்றது. இதன் எக்ஸ்-ஷோரூம் விலை ரூ.89,652-லிருந்து தொடங்குகிறது. நீண்ட கால உழைப்பு மற்றும் ஓட்டுவதற்கு மிகவும் வசதியான இருக்கை அமைப்பு ஆகியவற்றால், தினசரிப் பயணங்களுக்கு இது பெண்களின் முதல் தேர்வாக உள்ளது.
சுஸுகி ஆக்சஸ் 125 (Suzuki Access 125) : ரூ.77,684 என்ற எக்ஸ்-ஷோரூம் விலையில் கிடைக்கும் சுஸுகி ஆக்சஸ், ஸ்டைலான தோற்றத்தையும் சிறந்த செயல்திறனையும் ஒருசேர வழங்குகிறது. இதன் தட்டையான ஃபுட்போர்டு (Footboard) மற்றும் வசதியான ஹேண்டில்பார் அமைப்பு, நெரிசலான சாலைகளிலும் ஸ்கூட்டரை எளிதாக கையாள உதவுகிறது.
டிவிஎஸ் ஜூபிடர் 125 (TVS Jupiter 125) : அகலமான இருக்கை மற்றும் அதிகப்படியான ஸ்டோரேஜ் வசதியை விரும்புபவர்களுக்கு டிவிஎஸ் ஜூபிடர் 125 ஒரு வரப்பிரசாதமாகும். இதன் எக்ஸ்-ஷோரூம் விலை ரூ.75,600. பெண்கள் எளிதாக ஏறி இறங்கும் வகையில் வடிவமைக்கப்பட்டுள்ள இதன் பாடி ஸ்ட்ரக்சர், நீண்ட தூரப் பயணங்களிலும் களைப்பை தராது என்பது இதன் கூடுதல் சிறப்பாகும்.
யமஹா ஃபஸினோ 125 FI ஹைப்ரிட் (Yamaha Fascino 125 FI Hybrid) : நவீன தொழில்நுட்பமான ஹைப்ரிட் சிஸ்டத்துடன் வரும் இந்த ஸ்கூட்டர், ரூ.74,910 என்ற விலையில் கிடைக்கிறது. இதன் எடை மிகவும் குறைவு என்பதால் பெண்களால் மிக எளிதாகக் கையாள முடியும். குறிப்பாக, சஸ்பென்ஷன் அமைப்பு நகர்ப்புறச் சாலைகளின் மேடு பள்ளங்களைச் சமாளிக்கும் வகையில் நேர்த்தியாக அமைக்கப்பட்டுள்ளது.
ஹீரோ ப்ளெஷர் பிளஸ் எக்ஸ்டெக் (Hero Pleasure+ Xtec) : பட்டியலிலேயே மிகவும் குறைவான விலையில் (ரூ.69,766) கிடைப்பது ஹீரோ ப்ளெஷர் பிளஸ். இதன் கச்சிதமான உடல் அமைப்பு மற்றும் குறைந்த இருக்கை உயரம் ஆகியவை உயரம் குறைந்த பெண்களுக்கும் மிகுந்த தன்னம்பிக்கையைத் தருகிறது. தினசரி வீட்டுத் தேவைகளுக்காகப் பயன்படுத்துவதற்கு இது ஒரு சிக்கனமான மற்றும் சிறந்த தேர்வாகும்.
