ஜூலை மாதம் அரசு ஊழியர்களைத் தவிர வேறு யார் ஆவலுடன் எதிர்பார்த்து காத்திருப்பார்கள் சொல்லுங்க.. ஏன் என்றால், மத்திய அரசு ஊழியர்களுக்கு இந்த மாதம் அகவிலைப்படி உயர்வு இருக்கும் என்று எதிர்பார்க்கப்படுகிறது. அரசு ஊழியர்களுக்கு மட்டுமின்றி, அரசு ஓய்வூதியம் பெறுபவர்களுக்கும் பென்சன் உயர்வு இருக்கும் எனவும் கூறப்படுகிறது.
மத்திய அரசு, அரசு ஊழியர்களின் அகவிலைப்படியை ஆண்டுக்கு இரண்டு முறை உயர்த்துகிறது. முதலாவது ஜனவரியிலும் இரண்டாவது ஜூலையிலும் அகவிலைப்படி உயர்வைக் கொடுக்கும். சென்ற ஆண்டும் அகவிலைப்படி 2 சதவீதம் மட்டுமே உயர்த்தப்பட்டது. அதனால் இம்முறையாவது அகவிலைப்படி உயர்வு அதிகமாக இருக்கும் என்பது அரசு ஊழியர்களின் நம்பிக்கையாக உள்ளது.
தற்போது மத்திய ஊழியர்களின் அகவிலைப்படி 55 சதவீதமாக உள்ளது. ஆனால் இந்த உயர்வு, 1.2 கோடிக்கும் மேற்பட்ட ஊழியர்கள் மற்றும் ஓய்வூதியதாரர்களை ஏமாற்றமடையச் செய்துள்ளது. அதே நேரத்தில், ஏழாவது சம்பளக் குழு டிசம்பர் 31, 2025 அன்று முடிவடைகிறது. இதுபோன்ற சூழ்நிலையில், ஜூலை மாதத்தில் அரசாங்கம் அகவிலைப்படி உயர்வை 3 முதல் 4 சதவீதம் வரை அதிகரிக்கக்கூடும் என்று எதிர்பார்க்கப்படுகிறது. இருப்பினும், இது குறித்த அதிகாரப்பூர்வ அறிவிப்பு எதுவும் வெளியாகவில்லை.
இருப்பினும், தொழிலாளர்களுக்கான அகில இந்திய நுகர்வோர் விலைக் குறியீட்டு எண் (AICPI-IW) மே 2025-இல் 0.5 புள்ளிகள் உயர்ந்து 144 ஆக உள்ளது. இந்தக் குறியீட்டு எண் மார்ச் முதல் மே வரையிலான மூன்று மாதங்களில் தொடர்ந்து உயர்ந்து வந்துள்ளது. மார்ச் மாதத்தில் 143 ஆகவும், ஏப்ரலில் 143.5 ஆகவும், மே மாதத்தில் 144 ஆகவும் அதிகரித்துள்ளது. இந்த நிலையான ஏற்றத்தைக் கருத்தில் கொண்டு, ஜூலை 2025 முதல் அகவிலைப்படியில் (DA) 4% முதல் 6% வரை உயர்வுக்கான வாய்ப்புகள் உள்ளன. இந்த உயர்வு இந்த வாரத்தில் உறுதி செய்யப்படும் என எதிர்பார்க்கப்படுகிறது.
தொழிலாளர் அமைச்சகத்தின் கீழ் உள்ள தொழிலாளர் பணியகம், மார்ச் 2025க்கான அகில இந்திய தொழில்துறை தொழிலாளர்களுக்கான நுகர்வோர் விலைக் குறியீட்டு (CPI-IW) தரவை வெளியிட்டுள்ளது, இது DA உயர்வுக்கான வாய்ப்பை அதிகரித்துள்ளது. மார்ச் மாதத்தில் CPI-IW குறியீடு 0.2 புள்ளிகள் உயர்ந்து 143.0 ஆக இருந்தது. இது ஜனவரி மாதத்தின் 143.2 ஐ விட சற்று குறைவு, ஆனாலும் இது ஒரு பாசிட்டிவான அறிகுறியாகும்.
நவம்பர் 2024 முதல் பிப்ரவரி 2025 வரை CPI-IW இல் நிலையான சரிவு காணப்பட்டது, ஆனால் மார்ச் மாதத்தில் ஏற்பட்ட ஒரு சிறிய உயர்வால் ஊழியர்கள் மற்றும் ஓய்வூதியதாரர்களுக்கு நிம்மதியை அளித்துள்ளது. 7வது சம்பளக் குழுவின் கீழ், அகவிலைப்படி (DA) மற்றும் அகவிலை நிவாரணம் (DR) ஆகியவை 12 மாத CPI-IW தரவுகளின் சராசரியின் அடிப்படையில் கணக்கிடப்படுகின்றன என்பது குறிப்பிடத்தக்கது.
