தற்போதைய சூழலில் பெரும்பாலானோர் கிரெடிட் கார்டுகளைப் பயன்படுத்துகின்றனர். இதில் பல வகையான சலுகைகள், தள்ளுபடிகள் மற்றும் திருப்பிச் செலுத்துதல்களுக்கு வட்டி இல்லாமல் 50 நாட்கள் அவகாசம் உள்ளிட்டவைகள் கிடைக்கும். கிரெடிட் கார்டின் உதவியுடன், நாம் எளிதாக பில்களை செலுத்தலாம். அதோடு ஆன்லைன் ஷாப்பிங்கும் செய்யலாம். கிரெடிட் கார்டின் பல நன்மைகளைக் கருத்தில் கொண்டு, பலர் ஒன்றுக்கு மேற்பட்ட கிரெடிட் கார்டுகளை வைத்திருக்கிறார்கள்.
கிரெடிட் கார்டுகளின் நன்மைகளைப் போலவே, சில தீமைகளும் உள்ளன என்பதை நீங்கள் அறிந்துக் கொள்ள வேண்டும். அதனால் ஒன்றுக்கு மேற்பட்ட கிரெடிட் கார்டுகளை நீங்கள் வைத்திருக்க வேண்டுமா இல்லையா என்பதைத் தெரிந்துகொள்வது முக்கியம். உங்கள் கட்டாய தேவையெனில் மட்டும் கிரெடிட் கார்டை வாங்கலாம். கிரெடிட் கார்டை நிர்வகிக்க நீங்கள் அதிக முயற்சி எடுக்க வேண்டியதில்லை. அதன் பில்லை நீங்கள் சரியான நேரத்தில் திருப்பிச் செலுத்தலாம். சரியான நேரத்தில் பில்களை செலுத்துவதன் மூலம் உங்கள் கிரெடிட் ஸ்கோரை மேம்படுத்தலாம். புதிதாக கிரெடிட் கார்டு பயன்படுத்துபவர்கள் ஒரு கிரெடிட் கார்டை வைத்திருப்பது நல்லது.
அனைத்து கிரெடிட் கார்டுகளும் வெவ்வேறு அம்சங்கள் மற்றும் நன்மைகளைக் கொண்டுள்ளன. குறிப்பாக, சில கிரெடிட் கார்டுகள் பயனர்களுக்கு பயணம் தொடர்பான தள்ளுபடிகளை மட்டுமே வழங்குகின்றன. அதே நேரத்தில், சில கிரெடிட் கார்டுகள் ஆன்லைன் ஷாப்பிங் மற்றும் எரிபொருளுக்கு மட்டுமே தள்ளுபடியை வழங்குகின்றன. அத்தகைய சூழ்நிலையில், இந்த அனைத்து சலுகைகளையும் நீங்கள் பயன்படுத்த விரும்பினால், நீங்கள் ஒன்றுக்கு மேற்பட்ட கிரெடிட் கார்டுகளை வைத்துக் கொள்ளலாம். ஆனால், சரியான நேரத்தில் கட்டணத்தை திருப்பிச் செலுத்த வேண்டும் என்பதை நினைவில் கொள்ளுங்கள். அவ்வாறு செய்யத் தவறினால் உங்கள் கிரெடிட் ஸ்கோர் பாதிக்கப்படும்.
