புளித்த இட்லி மாவை வைத்து கிச்சன், பாத்ரூம்களில் படிந்துள்ள உப்புகரைகளை எப்படி சுத்தம் செய்து குறித்து இந்த பதிவில் பார்க்கலாம்.
சமையலறை, குளியலறை, கழிவறைகளை அடிக்கடி சுத்தம் செய்யாமல் விட்டுவிட்டால், உப்பு தண்ணீரில் இருக்கின்ற இடத்தில் வெள்ளை வெள்ளையாக திட்டுக்கள் படிந்து அசுத்தமாகிவிடும். இப்படிப்பட்ட குளியலறையை சுத்தம் செய்வதற்கு நமக்கு நிறைய குறிப்புகள் சொல்லப்பட்டுள்ளது. எல்லா குறிப்பையும் நாமும் அடித்து பிடித்து முயற்சி செய்து பார்த்திருப்போம். அதில் குளியல் அறையில் இருக்கும் அழுக்கு கொஞ்சம் போகியும், கொஞ்சம் போகாமலும் இருக்கும் அல்லவா. அதை சுத்தம் செய்ய இன்னொரு ஐடியாவை தான் இன்று நாம் தெரிந்து கொள்ளப் போகின்றோம்.
புளித்த இட்லி மாவுடன் சோப் பவுடர் அல்லது லிக்விட் மற்றும் டெட்டால் சேர்த்து எடுத்துக்கொள்ளுங்கள். ஆல்கஹால் தன்மை இருப்பதால் சுத்தம் செய்வதற்கு டெட்டால் பெரிதும் உதவி செய்யும். இதையடுத்து இந்த மூன்று பொருளையும் கலந்து கொஞ்சம் தண்ணீர் ஊற்றி நன்றாக கலந்து ஸ்ப்ரே பாட்டலில் ஊற்றி வைத்துக்கொள்ளுங்கள். பின்பு பாத்ரூம் டைல்ஸ், டாய்லெட் போன்ற இடங்களில் ஸ்ப்ரே பாட்டிலில் உள்ளதை அடித்து சிறிது நேரம் கழித்து பிரஷ் வைத்து தேய்த்து விட்டால் போதும். உப்பு கறை இருந்த இடமே தெரியாமல் காணாமல் போய் விடும். பைப், சிங்க் போன்ற இடங்களில் எல்லாம் தேய்த்து விட்டு அதன் பிறகு பாத்திரம் தேய்க்கும் நார் வைத்து லேசாக தேய்த்துக் கொடுத்தாலே போதும். நல்ல வெண்மையாக மாறி விடும்.
