உலகம் முழுவதும் சுற்றிப் பார்க்க ஏராளமான இடங்கள் உள்ளன. தற்போதைய தொழில்நுட்பங்களை கொண்டு செவ்வாய் கிரகத்திற்கு கூட சென்று வந்துவிடலாம். ஆனால், சில இடங்களில் என்ன செய்தாலும் மக்கள் பயன்படுத்த அனுமதி கிடையாது. அப்படியான 5 இடங்கள் குறித்து தான் இந்தப் பதிவில் பார்க்க இருக்கிறோம்.
பாம்பு தீவு (பிரேசில்) : பெயருக்கு ஏற்றார் போலவே இந்த ஆபத்தான தீவில் ஆயிரக்கணக்கான அதிக விஷமுள்ள பாம்புகள் உள்ளன. இதன் காரணமாக இன்று வரை மக்களுக்கு அனுமதி இல்லை. இந்த தீவுக்குள் நுழைந்துவிட்டால், உயிருடன் திரும்புவதற்கான வாய்ப்புகள் மிகக் குறைவு. ஒரு அறிக்கைபடி இந்த தீவில் சுமார் 4,000 பாம்புகள் உள்ளதாக தெரிவிக்கப்பட்டுள்ளது.
சர்ட்சி (ஐஸ்லாந்து) : இந்த இடமானது1963 முதல் 1967 வரை பரவிய எரிமலை வெடிப்பின் மூலம் உருவானது. இங்கு பொதுமக்களுக்கு அனுமதியில்லை. ஆனால், ஒரு சில விஞ்ஞானிகள் மட்டுமே சுற்றுச்சூழல் அமைப்பைப் பற்றி ஆராய்ச்சி செய்ய அனுமதிக்கப்படுகிறார்கள்.
நிஹாவ் தீவு (அமெரிக்கா) :சுமார் 160 குடியிருப்பாளர்கள் வசிக்கும் இந்த தீவில், வெளி நபர்களின் வருகை முற்றிலும் தடை செய்யப்படுகிறது. இந்தத் தீவில் குடும்பத் தொடர்பு உள்ளவர்கள் அல்லது அமெரிக்க கடற்படையுடன் இணைந்திருப்பவர்களுக்கு மட்டுமே அனுமதி வழங்கப்படுகிறது. இந்த தீவின் சுற்றுச்சூழலையும், வனவிலங்குகளையும் பாதுகாப்பதற்காக அரசாங்கம் இந்த கட்டுப்பாடுகளை அமுல்படுத்தியுள்ளதாக தெரிகிறது.
டூம்ஸ்டே வால்ட் (நார்வே) : ‘குளோபல் சீட் வால்ட்’ என்று பரவலாக அறியப்படும் இந்த இடம் ஒட்டுமொத்த மனித குலத்திற்கும் மகத்தான முக்கியத்துவத்தைக் கொண்டுள்ளது. இது உலகின் பல்வேறு பகுதிகளில் இருந்து 100 மில்லியன் விதைகளின் தொகுப்பைக் கொண்டுள்ளது. நமது கிரகமே அழியும் நிலை வந்தாலும், உலகின் தாவரங்களை புத்துயிர் பெறுவதற்கான ஆதாரமாக செயல்படுமாம். கடந்த 2008இல் வெளியிடப்பட்ட இந்த பெட்டகம், பூகம்பம் மற்றும் வெடிப்புகளுக்கு எதிரான மீள்திறனைப் பெருமைப்படுத்தும் வகையில், தோராயமாக 200 ஆண்டுகள் தாங்கும் வகையில் வடிவமைக்கப்பட்டுள்ளது.
மெஜ்கோரியே (Mezhgorye): ரஷ்யாவில் பேய் நடமாடும் பல வினோதமான தளங்கள் இருக்கின்றன. அவற்றின் ரகசியத்தின் நிலைத்தன்மையை கேள்விக்குள்ளாக்க உங்களைத் தூண்டும். இவற்றில், தெற்கு யூரல் மலைகளுக்குள் அமைந்துள்ள ஒரு மறைக்கப்பட்ட நகரம் மெஜ்கோரியே. 2 பட்டாலியன்கள் இந்த இடத்தில் காவலாளிகளாக இருக்கின்றன. எந்த காரணம் கொண்டும் இந்த நகரத்திற்குள் செல்ல அனுமதிக்கப்படுவதில்லை.
