தங்கள் குழந்தைகளை வளர்க்க உதவுவதற்காக குடிமக்களுக்கு மாதாந்திர நிதியுதவி வழங்கும் நாடு எது தெரியுமா?
இந்தியாவில் ஒரு குழந்தையை வளர்ப்பதற்குக் கூட அதிக பணம் தேவைப்படுகிறது. பெற்றோருக்கு ஒரு குழந்தையை வளர்ப்பது நிதி ரீதியாக கடினமாகி வருகிறது. இது குறித்து கவலை தெரிவிக்கும் விதமாக, சென்னையைச் சேர்ந்த ஒரு தம்பதியினர் சமீபத்தில் ரெடிட்டில் தங்கள் குழந்தையை பெருநகரத்தில் வளர்ப்பதன் மூலம் எவ்வளவு நிதி ரீதியாக பாதிக்கப்பட்டுள்ளனர் என்பதைப் பகிர்ந்து கொண்டனர்.
ஒவ்வொரு மாதமும் ரூ.8,000 கூட பணத்தைச் சேமிக்க முடியாமல் தவித்து வருவதாக பெற்றோர்கள் மேலும் தெரிவித்தனர். இந்த தம்பதியினரின் மொத்த மாத வருமானம் ரூ.78,000. ஆனால், தங்கள் குழந்தைகளை வளர்க்க உதவுவதற்காக குடிமக்களுக்கு மாதாந்திர நிதியுதவி வழங்கும் ஒரு நாடு உள்ளது என்று சொன்னால் உங்களால் நம்பமுடிகிறதா? உண்மை தான்.. அந்த நாடு வேறு எதுவும் இல்லை.. ஜெர்மனி தான்..
ஜெர்மனி விதிகளின் படி, அந்நாட்டில் உள்ள அனைத்து பெற்றோரும் தங்கள் குழந்தையை வளர்ப்பதற்கான குழந்தை சலுகைகளைப் பெற தகுதியுடையவர்கள் ஆவர்.. கிண்டர்ஜெல்ட் கொள்கை பெற்றோருக்கு மாதாந்திர கொடுப்பனவை உறுதி செய்கிறது. பெற்றோரின் வருமானம் எதுவாக இருந்தாலும் அவர்களுக்கு இந்த நிதியுதவி கிடைக்கும்.. இது பெற்றோர்கள் அல்லது பாதுகாவலர்களுக்கு நிதி உதவி வழங்கும் அரசாங்கத்தால் வழங்கப்படும் குழந்தை சலுகைத் திட்டமாகும்.
தற்போதைய நிலவரப்படி, முதல் இரண்டு குழந்தைகளுக்கு அரசாங்கம் மாதத்திற்கு €250 அதாவது இந்திய மதிப்பில் ரூ. 25,302 வழங்குகிறது.. மூன்றாவது குழந்தை பிறந்தால் அது €270 இந்திய மதிப்பில் ரூ. 27,331, கூடுதல் குழந்தைகளுக்கு €290 இந்திய மதிப்பில் ரூ. 29,345) ஆகும். இந்தக் கொள்கை ஜெர்மன் குடிமக்களுக்கு தானாகவே கிடைக்கிறது, மேலும் சட்டப்பூர்வ வசிப்பிட குடியுரிமை கொண்ட வெளிநாட்டினரும் தகுதியுடையவர்கள். குழந்தைகளை வளர்ப்பதற்கான செலவுகளை ஈடுசெய்ய பெற்றோர்கள் அல்லது சட்டப்பூர்வ பாதுகாவலர்களுக்கு கிண்டர்ஜெல்ட் மாதந்தோறும் வழங்கப்படும் நிதி உதவியாகும்.
இந்தத் திட்டம் ஃபேமிலியன்காஸ் (குடும்ப நலன்கள் அலுவலகம்) மூலம் நிர்வகிக்கப்படுகிறது. இந்தக் கொள்கையின் நோக்கம் குழந்தைகளைக் கொண்ட குடும்பங்களை ஆதரிப்பதாகும். இது அனைத்து வருமான மட்டங்களிலும் உள்ள குழந்தைகளுக்கு சம வாய்ப்புகளை ஊக்குவிக்கும். இது உயர் கல்வி மற்றும் தொழிற்கல்வியையும் ஊக்குவிக்கிறது.
Read More : அடுத்த 10 ஆண்டுகளில் AI மனிதகுலத்தை அழித்துவிடுமா? அது எப்படி நடக்கும்? மிரள வைக்கும் ஆய்வுக்கட்டுரை..
