உலகின் மிக உயரமான மலைச் சிகரம் எவரெஸ்ட். நேபாளம் நாட்டில் அமைந்துள்ள இந்த மலையில் ஏறுவது மலை ஏற்றம் மேற்கொள்பவர்களின் கனவு என்றேக் கூறலாம். திபெத் – நேபாளம் எல்லையில் அமைந்துள்ள எவரெஸ்டில் ஏறுவதற்காக ஆயிரக்கணக்கான மக்கள் அந்த நாடுகளுக்கு பயணம் மேற்கொள்கின்றனர். ஆனால் சிலர் மட்டுமே வெற்றிகரமாக உச்சிக்கு ஏறுகின்றனர். எவரெஸ்ட் சிகரத்தில் ஏறும் போது, உறைபனி வானிலை மற்றும் ஆக்ஸிஜன் பற்றாக்குறை போன்ற ஆபத்தான சூழ்நிலைகளை ஏறுபவர்கள் எதிர்கொள்கின்றனர்.
எவரெஸ்ட் சிகரம் நீண்ட காலமாக சிலரால் ஏற முடியாதது என்றும், மற்றவர்கள் அதை ஏறுவதற்கான சவாலாகக் கருதினர். 29,035 அடி (8,850 மீ) உயரம் கொண்ட இந்த பிரபலமான மலை, இமயமலையில், நேபாளம் மற்றும் சீனாவின் திபெத்தின் எல்லையில் அமைந்துள்ளது.
இவ்வளவு ஆபத்தான இந்த எவரெஸ்ட் சிகர உச்சியை முதன்முதலில் அடைந்தது யார் தெரியுமா. 1953 ஆம் ஆண்டு, எட்மண்ட் ஹிலாரி மற்றும் டென்சிங் நோர்கே ஆகியோர் முதன்முதலில் இதன் உச்சியை அடைந்து வரலாறு படைத்தனர். அதாவது, “1953 மார்ச் மாதத்தில், சுமார் 400 ஏறிச் செல்பவர்கள், வழிகாட்டிகள் மற்றும் சுமையூட்டிகள் கத்த்மண்டு, நேபாளத்தில் ஒன்று சேர்ந்து, உலகின் உயரமான சிகரம் மவுண்ட் எவரெஸ்ட் ஏற முயற்சித்தனர்.”
1953ம் ஆண்டு மே மாத தொடக்கத்தில், பிரிட்டிஷ் கர்னல் ஜான் ஹன்ட் தலைமையிலான குழு, 8848 மீட்டர் (29,032 அடி) உயரமுள்ள சிகரத்தை ஏறத் தொடங்கியது. இமய மலையின் அடிவாரத்தில் இருந்து தொடங்கிய இந்த பயணம் 25,938 அடி உயரத்தில் தெற்கு மலைக்கு முன்னேறியது. இருப்பினும், முதல் குழு உச்சியை அடையத் தவறிய பிறகு, எட்மண்ட் ஹிலாரி மற்றும் டென்சிங் நோர்கே ஆகியோர் இறுதி முயற்சியில் ஈடுபட்டனர்.
பல வருட கனவுகளுக்கும், ஏழு வார மலையேற்றத்திற்கும் பிறகு, நியூசிலாந்தின் தேனீ வளர்ப்பவரான எட்மண்ட் ஹிலாரி (1919–2008) மற்றும் நேபாளத்தின் கும்பு பள்ளத்தாக்கைச் சேர்ந்த டென்சிங் நோர்கே (1914–1986) ஆகியோர் உலகின் மிக உயரமான சிகரமான எவரெஸ்டின் உச்சியை மே 29, 1953 அன்று காலை 11:30 மணிக்கு அடைந்தனர் . எவரெஸ்ட் சிகரத்தை அடைந்த முதல் மனிதர்கள் இவர்கள்தான்.
பனி படர்ந்த மலை எப்படி இருக்கும். குறைவான வெப்பநிலை, குளிர்க்காற்று, பனிப்புயல் என பல இடர்பாடுகள். இவை தவிர, மலை ஏறத் தேவையான பொருள்கள், உணவு, ஆக்ஸிஜன் எடுத்துக்கொண்டு ஏறுவது சவாலான விஷயம். ஒரு பனிப்பாறையை டென்சிங் உடைத்தபோது, அதில் ஒரு வெள்ளைக்காரர் உறைந்த நிலையில் இறந்துகிடந்தாராம். இதுபோல் எண்ணற்ற தடைகள் மலை ஏறுவோரையும் நிலைகுலையவைக்கும். இதையும் மீறி முன்னேறினர்.
எவரெஸ்ட்டை எட்டிப்பிடிக்க இன்னும் ஒரே நாள்தான் உள்ளது என்ற சூழலில், ஆக்ஸிஜன் பற்றாக்குறை ஏற்படுகிறது. பயணத்தை ரத்து செய்யலாமா என்று எட்மண்ட் ஹிலாரி யோசிக்கிறார். அப்போது உடனிருந்த டென்சிங், வெற்றியின் விளிம்புவரை வந்துவிட்டோம் எனக் கூறி உற்சாகத்துடன் முன்னேற, இருவரும் மே 29 காலை 11.30 மணிக்கு உச்சியைத் தொட்டனர். மனிதன் முயற்சித்தால் எந்த மலையும் அவர்களின் காலடியில்தான் எனும் வெற்றிப் பெருமிதம் கொண்டனர். அப்போது டென்சிங், மலையின் உச்சியில் தனது மகள் நீமா தந்து அனுப்பிய நீலநிறப் பேனாவை தாங்கள் உச்சியைத் தொட்டதன் அடையாளமாய் புதைத்து வந்தார்.புத்தரின் கருணையே தன்னை வழிநடத்தியதாய் கூறினார்.
Readmore: உக்ரைன் போர் எதிரொலி..!! 3,07,900 இறப்புச் சான்றிதழ்களை தயாரிக்க ரஷ்ய அமைச்சகம் உத்தரவு..!!
