உலகின் பணக்கார பிச்சைக்காரர் யார் தெரியுமா? அவரின் சொத்து மதிப்பு எவ்வளவு?
ஒரு பிச்சைக்காரருக்கு சொந்தமாக 2 ஆடம்பர பிளாட்கள் மற்றும் கோடிக்கணக்கான சொத்து உள்ளது என்று சொன்னால் உங்களால் நம்ப முடிகிறதா? ஆனால் இது உண்மைதான். இந்த பிச்சைக்காரர் மும்பையில் தெருக்களிலும் ரயில் நிலையங்களிலும் பிச்சை எடுக்கிறார்., ஆனால் அவருக்குச் சொந்தமான இரண்டு விசாலமான பிளாட்கள் மொத்தம் ரூ.1.4 கோடி மதிப்புள்ளவை. அவரது நிகர மதிப்பு ரூ.7.5 கோடி. உலகின் பணக்கார பிச்சைக்காரர் இவர் தான். பாரத் ஜெயின் என்ற பணக்கார பிச்சைக்காரரை பற்றி தான் நாம் பார்க்கப்போகிறோம். அவர் தனது சக குடிமக்களிடமிருந்து கோடிக்கணக்கான வருமானம் ஈட்டுகிறார்.
உலகின் பணக்கார பிச்சைக்காரர் எவ்வளவு சம்பாதிக்கிறார்?
ஜெயின் தனது வாழ்நாள் முழுவதும் போராடினார்.. சிறு வயதில் இருந்தே பல நிதி சிக்கல்களை எதிர்கொண்டார். அவரது குடும்பம் வாழ்க்கையை நடத்தவே முடியவில்லை, சில சமயங்களில் அவருக்கு சரியான உணவு, உடை மற்றும் தங்குமிடம் கூட கிடைக்கவில்லை. பாரத் ஜெயின் 40 ஆண்டுகளுக்கும் மேலாக பிச்சை எடுத்து வருகிறார். அவர் ஒரு நாளைக்கு சராசரியாக ரூ.2000 முதல் ரூ.2,500 வரை சம்பாதிக்கிறார். இதனால், அவரது மாத வருமானம் ரூ.60,000 அல்லது அதற்கு மேல் கூட இருக்கலாம்., சில நேரங்களில், இந்தியாவில் வெள்ளை காலர் வேலைகள் உள்ள பலரை விட அதிகம். மும்பையில் இரண்டு பிளாட்கள் பாரத் ஜெயின் வைத்திருக்கிறார்.
இருப்பினும், இந்த நெருக்கடியை ஒரு வாய்ப்பாக மாற்றி பணத்தை மிச்சப்படுத்தியவர் ஜெயின். அவர் ஆண்டு முழுவதும் பிச்சையாக பெற்ற பணத்தையும் இந்த சொத்தில் முதலீடு செய்தார். பாரத் ஜெயின் இப்போது மும்பையில் ரூ.1.4 கோடி மதிப்புள்ள இரண்டு விசாலமான பிளாட்களை வைத்திருக்கிறார். அவரின் பெற்றோர், இரண்டு மகன்கள் ஆகியோர் இங்கு வசிக்கின்றனர். ஆனாலும், அவர் தனது தொழிலை விட்டுவிடவில்லை; அவர் தொடர்ந்து பிச்சை எடுத்து வருகிறார். குடும்பம் நிலையான வருமானத்தை பெறுகிறது.
இந்த பிளாட்களைத் தவிர, உலகின் பணக்கார பிச்சைக்காரரான இவர் தானேயில் இரண்டு வணிக இடங்களையும் வைத்திருக்கிறார். இதன் மூலம் அவருக்கு 30,000 ரூபாய் வாடகை வருகிறது.. இந்த வருமானம் அவரை நிதி ரீதியாக நிலையானதாக ஆக்குகிறது. ஆனால் பாரத் ஜெயின் குடும்பத்தில் வேறு யாரும் பிச்சை எடுக்கவில்லை. அவரது இரண்டு மகன்களும் மும்பையில் உள்ள ஒரு புகழ்பெற்ற கான்வென்ட்டில் படித்தனர். அவரின் குடும்பம் ஒரு ஸ்டேஷனரி கடையையும் நடத்தி வருகிறது.
Read More : வாழ்நாள் முழுவதும் ரூ.49,000 வரி இல்லாத மாத வருமானம்.. அரசின் சூப்பர்ஹிட் திட்டம்..
