விநாயகர் சதுர்த்தி இந்தியாவில் கொண்டாடப்படும் மிகப் பெரிய பண்டிகைகளில் ஒன்றாகும். அறிவு, செல்வம் மற்றும் மங்களகரமான தொடக்கங்களின் கடவுளான விநாயகர் பிறந்த நாளை நினைவுகூரும் வகையில் இது கொண்டாடப்படுகிறது. நாடு முழுவதிலுமிருந்து கோடிக்கணக்கான பக்தர்கள் இந்த விழாவை மிகுந்த மகிழ்ச்சியுடன் கொண்டாடி வருகின்றனர்., பிரமாண்டமான ஊர்வலங்கள் மற்றும் சிறப்பு பூஜைகளுடன் இந்த விழா கொண்டாப்படுகிறது.
விநாயகரின் பிறப்பு
விநாயகப் பெருமானின் பிறப்பு பற்றிய புராணக் கதையை அடிப்படையாகக் கொண்டது. புராணத்தின் படி, பார்வதி தேவி, தான் குளிப்பதற்கு இடையூறாக இருப்பதைத் தடுக்க நான்கு மாவுகளிலிருந்து (நறுக்கு மாவு, மஞ்சள், கிராம்பு மற்றும் சந்தனம் ஆகியவற்றின் கலவை) ஒரு சிறுவனை உருவாக்கி, அவனுக்கு உயிர் கொடுத்து, அவனை வாயிற்காப்பாளராக நியமித்தார்.
அந்த நேரத்தில் வந்த சிவபெருமானை சிறுவன் தடுத்தபோது, கோபமடைந்த சிவன் அவரது தலையை வெட்டினார். பார்வதி தேவியின் துயரத்தால் மனம் உடைந்த சிவன், யானை வடிவிலான கஜாசுரனின் தலையை சிறுவனின் உடலில் இணைத்து, அவனை மீண்டும் உயிர்ப்பித்தார். அவர் தான் விநாயகர்.. அப்போதிருந்து, விநாயகர் “விக்னேஸ்வரர்” (பயங்களை நீக்குபவர்) என்று வணங்கப்படுகிறார். விநாயகர் அவதரித்த இந்த நாள் தான் விநாயகர் சதுர்த்தி என்று கொண்டாடப்படுகிறது. இன்று, விநாயகர் சதுர்த்தி நமது கலாச்சாரத்தில் ஒற்றுமை, பக்தி மற்றும் பெருமையின் அடையாளமாக நிற்கிறது.
2025 ஆம் ஆண்டில், விநாயகர் சதுர்த்தி விழா ஆகஸ்ட் 27 அதாவது இன்று கொண்டாடப்படுகிறது.. விநாயகருக்கு உரிய புதன்கிழமையில் இந்த ஆண்டு விநாயகர் சதுர்த்தி வருவது மிகவும் சிறப்புமிக்கதாக கருதப்படுகிறது. சதுர்த்தி திதி ஆகஸ்ட் 26 செவ்வாய்க்கிழமை பிற்பகல் 2.22 மணிக்குத் தொடங்கி ஆகஸ்ட் 27 புதன்கிழமை பிற்பகல் 3:52 மணிக்கு முடிவடைகிறது.
பூஜை செய்ய உகந்த நேரம் எது?
காலை 7.45 மணி முதல் காலை 8.45 மணி வரை
காலை 10.40 மணி முதல் மதியம் 1.10 மணி வரை
மாலை 5.10 மணி முதல் இரவு 7.40 மணி வரை
வீட்டில் எப்படி கொண்டாடுவது?
வீட்டில் விநாயகரை வைத்து வழிபடும் இடம் அல்லது பூஜையறையில், மஞ்சள் நீரால் சுத்தம் செய்துவிட்டு, ஒரு மனையில் கோலமிட்டு, அதன் மீது தாம்பூலம் அல்லது வாழை இலை வைத்து அதன் மீது பச்சரியை பரப்பி, அதில் விநாயகர் சிலையை வைக்க வேண்டும்.. அருகம்புல், எருக்கம்பூ மாலை, பூ ஆகியவற்றால் விநாயகர் சிலையை அலங்கரிக்க வேண்டும்.. வெற்றிலைப்பாக்கு, வாழைப் பழம், பழங்கள், சுண்டல், மோதகம், கொழுக்கட்டை, சுண்டல், அவல், பொறி போன்ற விநாயகருக்கு பிடித்தமான நைவேத்தியங்கள் வைத்து வழிபட வேண்டும்.. விநாயகர் அகவல் அல்லது எளிமையான விநாயகர் மந்திரங்களை சொல்லி வழிபடுவது கூடுதல் சிறப்பு.. அ
ஓம் கணேஷாய நமஹ மற்றும் ஓம் கம் கணபதயே நமஹ போன்ற மந்திரங்களை உச்சரிப்பதன் மூலம், ஒருவர் விநாயகரின் ஆசிகளைப் பெற முடியும் என்பது ஐதீகம்.. விநாயகரை வழிபடுவது தடைகளை நீக்குவது மட்டுமல்லாமல், செல்வ செழிப்பையும் அதிகரிக்கும் என்று நம்பப்படுகிறது.
விநாயகர் சிலை வாங்கிய நாளை கணக்கிட்டு, 3 அல்லது 5வது நாளில் விநாயகர் சிலையை நீர் நிலைகளில் கரைக்க வேண்டும்.. ஓடும் நீரில் விநாயகர் சிலை கரைத்தால் கூடுதல் சிறப்பு..
Read More : 10 ஆண்டுகளுக்குப் பிறகு சொந்த நட்சத்திரத்தில் நுழையும் ராகு! இந்த 3 ராசிகளுக்கு பணம் கொட்டப் போகுது!
