ஜம்மு-காஷ்மீரில் கடந்த சில நாட்களாகவே கனமழை கொட்டி தீர்த்து வருகிறது.. இதை தொடர்ந்து பெரும் நிலச்சரிவுகளும் ஏற்பட்டு வருகின்றன.. சமீபத்தில் வைஷ்ணோ தேவி கோயிலுக்கு செல்லும் வழியில் ஏற்பட்ட நிலச்சரிவில் 5 பேர் உயிரிழந்தனர்.. மேலும் மேக வெடிப்பு காரணமாக கொட்டி தீர்த்த கனமழையில் 5 பேர் இறந்தனர்..
இந்த நிலையில், ஜம்மு காஷ்மீரின் ரியாசியில் உள்ள மஹோர் பகுதியில் உள்ள பத்தார் கிராமத்தில் ஏற்பட்ட மிகப்பெரிய நிலச்சரிவில் ஒரே குடும்பத்தைச் சேர்ந்த 7 பேர் உயிரிழந்தனர். நேற்றிரவு மேக வெடிப்பு காரணமாக அவர்களது மண் வீடு இடிபாடுகளுக்கு அடியில் புதைந்தபோது இந்த சம்பவம் நிகழ்ந்தது.
மஹோர் எம்எல்ஏ முகமது குர்ஷித் கூறுகையில், நிலச்சரிவு ஏற்பட்டபோது குடும்பத்தினர் தூங்கிக் கொண்டிருந்ததாகவும், இதனால் வீடு முழுவதும் இடிந்து விழுந்து இடிபாடுகளுக்கு அடியில் இருந்தவர்கள் புதையுண்டதாகவும் கூறினார். உள்ளூர் கிராமவாசிகள் விரைவாக மீட்பு நடவடிக்கையை மேற்கொண்டு ஏழு உடல்களையும் மீட்டனர்.
இறந்தவர்கள் நசீர் அகமது, வஜிரா பேகம், பிலால் அகமது, முகமது முஸ்தபா, முகமது அடில், முகமது முபாரக் மற்றும் முகமது வாசிம் என அடையாளம் காணப்பட்டுள்ளனர்.
ராம்பன் மேக வெடிப்பில் 3 பேர் பலி
இதனிடையே ராம்பன் மாவட்டத்தின் ராஜ்காட் பகுதியில் ஏற்பட்ட மேக வெடிப்பு காரணமாக 3 பேர் இறந்தனர், ஒருவர் காணாமல் போயுள்ளார். இந்த சம்பவம் சனிக்கிழமை அதிகாலை 12:30 மணியளவில் நடந்தது. தற்போது அப்பகுதியில் தேடுதல் மற்றும் மீட்பு நடவடிக்கைகள் நடந்து வருகின்றன.
சம்பவத்தில் இறந்த மூன்று பேரின் உடல்களை மீட்புப் பணியாளர்கள் மீட்டுள்ளனர், இதில் இரண்டு பெண்கள் அடங்குவர்.
மத்திய அமைச்சர் ஜிதேந்திர சிங் இதுகுறித்து தனது எக்ஸ் பக்கத்தில் பதிவிட்டுள்ளார். அவரின் பதிவில் “இப்போதுதான் டிசி #ராம்பன் திரு முகமது ஆலியாஸ் கானுடன் பேசினேன். ராஜ்கர் பகுதியில் மேகமூட்டம் வெடித்ததால் நான்கு பேர் துரதிர்ஷ்டவசமாக உயிரிழந்தனர். ஐந்தாவது ஒருவரைக் காணவில்லை, தேடுதல் பணி நடந்து வருகிறது. இதற்கிடையில், யாருக்கும் காயம் ஏற்படவில்லை. மீட்புப் பணிகள் நடைபெற்று வருகின்றன. சாத்தியமான அனைத்து உதவிகளும் வழங்கப்பட்டு வருகின்றன. நான் தொடர்ந்து தொடர்பில் இருக்கிறேன்” என்று குறிப்பிட்டுள்ளார்..
Read More : கொட்டித்தீர்க்கும் கனமழை!. ஜம்மு – காஷ்மீரில் மீண்டும் மேகவெடிப்பு!. 3 பேர் பலி!. 5 பேரை காணவில்லை!
