நம் அன்றாட வேலைகளில் தினசரி முக்கியமான ஒன்றில் பல் துலக்குதலும் முக்கியமானதாகும். நம் காலை கடமைகளில் ஒன்றான இதை நாம் அவசர அவசரமாக செய்வதால் சிலவற்றை கவனித்திருக்கமாட்டோம். முன்பெல்லாம் பல் துலக்குவதற்கு வேப்பிலை குச்சியை பயன்படுத்தினார்கள். பின்பு பல்பொடி பயன்படுத்தினார்கள். தற்போது நவீனமயமானதையடுத்து பிரஷ், பேஸ்ட் உபயோகப்படுத்தி வருகிறார்கள். காலையில் வேகவேகமாக பல் துலக்கிவிட்டு சென்றுவிடுவோம். எத்தனை பேர் பேஸ்டில் கீழ் பகுதியில் இருக்கும் நிறத்தை கவனித்தார்கள் என்று தெரியாது. அப்படி அந்த நிறத்தை கவனித்திருந்தாலும் கூட அது எதற்கு என்று பெரும்பாலானோருக்கு தெரிந்திருக்க வாய்ப்பே இல்லை.
பொதுவாக பாக்கெட் உணவுகளில் குறிப்பிடப்பட்டிருக்கும் நிற குறியீடு சைவம் அல்லது அசைவம் என்பதை குறிக்கும் என பலருக்கும் தெரியும். அது போன்று பேஸ்ட்டில் இருக்கும் நிறத்திற்கு அதுதான் அர்த்தமா என்று கேட்டால் அதான் இல்லை. பேஸ்ட்டில் கருப்பு, பச்சை, சிவப்பு மற்றும் நீல நிற குறியீடுகள் இருக்கும். இனி நீங்கள் பேஸ்ட் வாங்குவதற்கு முன்பு இந்த குறியீடை கவனித்தால், அது எந்தவகையானது என உங்களுக்கு தெரிந்து விடும்.
கருப்பு: பேஸ்ட்டில் கருப்பு நிறம் இருந்தால், இந்த பேஸ்ட்டை தயாரிப்பதில் நிறைய ரசாயனங்கள் பயன்படுத்தப்பட்டுள்ளன என்பதை புரிந்து கொள்ளுங்கள்.
சிவப்பு : நீங்கள் உபயோகிக்கும் பேஸ்ட்டில் சிவப்பு நிறத்தை கண்டால், இயற்கை பொருட்களுடன் பல வகையான ரசாயனங்களும் கலப்படம் செய்யப்பட்டுள்ளதாக அர்த்தம். இது ஓரளவு பிரச்சனைகளை கொடுத்தாலும், உங்கள் பற்களுக்கு அது நல்லது அல்ல.
நீலம்: இந்த பேஸ்ட்டில் இயற்கையான பொருட்கள் மற்றும் மருந்துகள் உள்ளதாக அர்த்தம்.
பச்சை: உங்கள் பேஸ்ட்டில் பச்சை நிறம் இருந்தால், இதில் இயற்கை பொருட்கள் மட்டுமே பயன்படுத்தப்பட்டுள்ளது என்பதாகும்.
ஆனால், இப்போது கேள்வி என்னவென்றால், பற்பசையில் அசைவ உணவு சேர்க்கப்படும் பொருட்கள் என்ன? இந்தியாவில் தயாரிக்கப்படும் பற்பசை இயற்கை பொருட்களைப் பயன்படுத்துகிறது. இந்தியாவில், பற்பசை தயாரிக்கும் நிறுவனங்கள் கிராம்பு, புதினா போன்ற தாவரங்களிலிருந்து பெறப்படும் பொருட்களைப் பயன்படுத்துகின்றன, எனவே அதில் அசைவ உணவுப் பிரச்சனை இல்லை.
ஆனால் சில சர்வதேச பிராண்டுகள் பற்பசையில் விலங்குகளிலிருந்து பெறப்பட்ட பொருட்களைப் பயன்படுத்துகின்றன, அதாவது விலங்கு கொழுப்பிலிருந்து பெறப்பட்ட கிளிசரின், அவற்றின் எலும்புகளிலிருந்து எடுக்கப்படும் கால்சியம் பாஸ்பேட் ஆகியவை பயன்படுத்தி தயாரிக்கப்படுவதாக கூறப்படுகிறது.
நிறுவனங்கள் இதைச் செய்வதற்குப் பின்னால் ஒரு சிறப்பு காரணம் உள்ளது. முதல் விருப்பம் மலிவானது மற்றும் நிலையானது. விலங்குகளிலிருந்து பெறப்பட்ட பொருட்கள் எளிதில் கிடைக்கின்றன. இந்த பொருட்கள் பற்பசைக்கு சிறந்த அமைப்பைக் கொடுக்கின்றன மற்றும் நீண்ட நேரம் கெட்டுப்போகாது.
உங்கள் பற்பசை சைவமா அல்லது அசைவமா என்பதை நீங்கள் அறிய விரும்பினால், இந்த தகவல் டூத் பேஸ்ட் அடங்கிய பாக்கெட்டில் கொடுக்கப்பட்டுள்ளது. 100% சைவம் என்பது பச்சை நிறத்தில் குறிப்பிடப்பட்டிருக்கும் என்றும் அசைவத்திற்கு, இது சிவப்பு நிறத்தில் குறிப்பிடப்பட்டிருக்கும் என்றும் கூறப்படுகிறது. ஆனால் இது எந்தளவுக்கு உண்மை என்பது தெரியவில்லை. 2015ல் ஜப்பானில் கோல்கேட் தடை செய்யப்பட்டது. ஏனென்றால் விலங்குகளின் எலும்புகள் இதில் கலந்திருப்பதே இதற்குக் காரணம். இந்நிலையில், கோல்கேட் நிறுவனத்துக்கு ஜப்பான் தடை விதித்தது குறிப்பிடத்தக்கது.
