உலகில் எந்த நாட்டில் அதிவேக இண்டர்நெட் உள்ளது, அங்கு இண்டர்நெட் வேகம் என்ன என்பது பற்றி இந்த பதிவில் பார்க்கலாம்..
இன்றைய டிஜிட்டல் யுகத்தில் இண்டர்நெட் மிகவும் முக்கியமானது, 2ஜி, 3ஜி, 4ஜி-க்கு பிறகு, 5ஜி யுகம் தொடங்கிவிட்டது. தற்போது, நாம் இண்டர்நெட்டை எந்த அளவுக்குச் சார்ந்திருக்கிறோம் என்றால், இண்டர்நெட் இல்லையென்றால் எந்த வேலையும் செய்ய முடியாது என்ற நிலை உள்ளது. மொபைல் முதல் அலுவலகம் வரை எல்லா இடங்களிலும் இண்டர்நெட் பயன்பாடு மிகவும் முக்கியமானது. இண்டர்நெட் இல்லாத ஒரு கணம் கூட குழப்பத்தை ஏற்படுத்தும் நிலைக்கு வந்துவிட்டது. இண்டர்நெட் பயன்பாட்டுடன், அதன் வேகமும் மிகவும் முக்கியமானது. பல திட்டங்கள் கிடைக்கின்றன. எனவே, உலகில் எந்த நாட்டில் அதிவேக இண்டர்நெட் உள்ளது, அங்கு இண்டர்நெட் வேகம் என்ன என்பது பற்றி இந்த பதிவில் பார்க்கலாம்..
தொழில்நுட்பத்தில் ஒரு நாடு முன்னேறியிருப்பதற்கு ஒரு சிறந்த எடுத்துக்காட்டு, அந்த நாட்டில் உள்ள இண்டர்நெட் வேகம்தான். இணையதளங்களில் பிரவுசிங் செய்யவும், வீடியோக்களை ஸ்ட்ரீம் செய்யவும், பெரிய கோப்புகளை நொடிகளில் பதிவிறக்கம் செய்யவும், ஆன்லைன் கற்றல் மற்றும் மெய்நிகர் கூட்டங்களில் பங்கேற்கவும் வேகமான இண்டர்நெட் அவசியம். இது அன்றாடத் தேவைகளைப் பூர்த்தி செய்வது மட்டுமல்லாமல், வணிக உற்பத்தித்திறன் மற்றும் டிஜிட்டல் கண்டுபிடிப்புகளையும் ஆதரிக்கிறது. அதனால்தான், பிராட்பேண்ட் மற்றும் மொபைல் டேட்டாவில் வேகமான நெட்வொர்க்குகளை வழங்குவதில் நாடுகள் போட்டியிடுகின்றன.
ஸ்பீடெஸ்ட் குளோபல் இன்டெக்ஸ் மற்றும் ஸ்டேடிஸ்டா அறிக்கைகளின்படி, 2025-ஆம் ஆண்டில் உலகில் அதிவேக மொபைல் இண்டர்நெட் கொண்ட நாடாக ஐக்கிய அரபு அமீரகம் உருவெடுத்துள்ளது. மற்ற நாடுகளுடன் ஒப்பிடும்போது இங்கு இண்டர்நெட் வேகம் சீராக அதிகரித்துள்ளது. இங்கு சராசரி இணைய வேகம் ஒரு வினாடிக்கு 546 முதல் 600 மெகாபைட் வரை உள்ளது.
இண்டர்நெட் வேகத்தில் முதலிடத்தில் இருந்த கத்தார், இரண்டாம் இடத்திற்குச் சரிந்துள்ளது. கத்தாரில் மொபைல் இணைய வேகம் 500 முதல் 517 Mbps வரை உள்ளது. மறுபுறம், குவைத் 370 முதல் 400 Mbps வேகத்துடன் மூன்றாவது இடத்தில் உள்ளது. இதைத் தொடர்ந்து பிரேசில் 229 முதல் 252 Mbps வேகத்துடனும், பஹ்ரைன் 228-237 Mbps வேகத்துடனும், பல்கேரியா 224 முதல் 237 Mbps வேகத்துடனும், தென் கொரியா 218-231 Mbps வேகத்துடனும் உள்ளன. சீனா 201 முதல் 202 Mbps இண்டர்நெட் வேகத்தையும், சவுதி அரேபியா 191-198 Mbps வேகத்தையும், டென்மார்க் 178-196 Mbps வேகத்தையும் கொண்டுள்ளன.
பிராட்பேண்ட் இண்டர்நெட் :
பிராட்பேண்ட் இண்டர்நெட் என்பது வீடுகள் மற்றும் அலுவலகங்களில் பயன்படுத்தப்படும் ஃபைபர், கேபிள் அல்லது டிஎஸ்எல் போன்ற கம்பி வழி இணைய இணைப்புகளைக் குறிக்கிறது. தரவுகளின்படி, உலகில் அதிவேக நிலையான பிராட்பேண்ட் இணையம் சிங்கப்பூரில் உள்ளது. சிங்கப்பூரில் சராசரி பதிவிறக்க வேகம் மிக அதிகமாக உள்ளது. இங்கு சராசரி இண்டர்நெட் வேகம் 387 முதல் 406 Mbps வரை உள்ளது.
சிலி 332 முதல் 361 Mbps வேகத்துடன் இரண்டாம் இடத்தைப் பிடித்தது. அதைத் தொடர்ந்து ஹாங்காங் (325-343 Mbps), ஐக்கிய அரபு அமீரகம் (318-343), பிரான்ஸ் (318-330), மக்காவ் (290-318 Mbps), அமெரிக்கா (285-297 Mbps), ஐஸ்லாந்து (270-291 Mbps), தென் கொரியா (259-288 Mbps), மற்றும் தாய்லாந்து (256-273 Mbps) ஆகிய நாடுகள் உள்ளன.
இந்தியா எந்த இடத்தில் உள்ளது?
நமது நாட்டில் 5G நெட்வொர்க் கிட்டத்தட்ட முழுமையாகப் பயன்படுத்தப்பட்டிருந்தாலும், இந்தியப் பயனர்களால் சிறந்த இண்டர்நெட் வேகத்தைப் பெற முடிகிறது. இருப்பினும், உலகளாவிய தரவரிசையுடன் ஒப்பிடும்போது, இணைய வேகத்தில் இந்தியா மிகவும் பின்தங்கியுள்ளது. இந்தியாவில் மொபைல் இணைய வேகம் மிகக் குறைவாக உள்ளது. 131 முதல் 133 Mbps வேகத்துடன் இந்த பட்டியலில் 25வது இடத்தில் உள்ளது. பிராட்பேண்ட் இணைய வேகம் 61 முதல் 120 Mbps வரை உள்ளது.
