கூகிள் பே (Google Pay) இன்னும் அரசாங்கத்தின் மோசடி ஆபத்து குறியீட்டுக் கருவியை (FRI) தனது தளத்தில் ஒருங்கிணைக்கவில்லை என்று தொலைத்தொடர்புத் துறை (DoT) செயலாளர் நீரஜ் மிட்டல் வெள்ளிக்கிழமை தெரிவித்தார்.
தொலைத்தொடர்பு துறை (DoT) உருவாக்கிய FRI (Fraud Risk Identification) அமைப்பு, தொலைபேசி எண்களை அவற்றின் அபாய நிலை அடிப்படையில் வகைப்படுத்துகிறது. இது டிஜிட்டல் கட்டண தளங்களுக்கு மோசடி பரிவர்த்தனைகளை கண்டறிந்து தடுக்க உதவுகிறது. பயனர்கள் டிஜிட்டல் தளங்கள் வழியாக கட்டணங்களைச் செய்யும்போது, மிதமான அபாய (medium-risk) எண்கள் எச்சரிக்கை செய்தி (warning pop-up) மூலம் கவனமாக இருக்குமாறு அறிவுறுத்தும். அதே நேரத்தில், அதிக மற்றும் மிக அதிக அபாய (high / very high-risk) வகையில் உள்ள எண்கள் முற்றிலும் பரிவர்த்தனை தடைக்கு (transaction block) உட்படுத்தப்படலாம்.
தொலைத்துறை அதிகாரி ஒருவர் இதுகுறித்து பேசிய போது “ தொலைத்தொடர்பு துறையின் (DoT) ஒரு அதிகாரி கூறியதாவது, FRI (Fraud Risk Identification) திட்டத்தின் நோக்கம் நிதி மோசடிகளை அதன் மூலத்திலேயே தடுப்பது தான்.. Google Pay இன்னும் தனது கட்டண அமைப்பில் FRI-யை ஒருங்கிணைக்கவில்லை. இதனால், Unified Payments Interface (UPI) பயன்படுத்தும் இந்தியர்களில் சுமார் மூன்றில் ஒரு பகுதி இன்னும் பாதுகாப்பற்ற நிலையில் உள்ளனர். சராசரியாக, இந்தியாவில் நடைபெறும் அனைத்து UPI பரிவர்த்தனைகளில் 30–35% Google Pay வழியாகவே நடைபெறுகிறது,” என்று தெரிவித்தார்…
அதே நேரத்தில், அதன் போட்டியாளர்களான PhonePe மற்றும் Paytm ஏற்கனவே தங்களின் கட்டண சேவைகளில் FRI ஒருங்கிணைப்பை முடித்துள்ளன என்றும் அவர் தெரிவித்தார்.
அதிகாரி மேலும் கூறியதாவது, “Google உடன் பல முறை ஆலோசனைகள் நடத்தப்பட்டுள்ளன. பல்துறை (multinational) நிறுவனம் என்பதால், அவர்களின் அபிவிருத்தி (development) செயல்முறை சிறிது நீளமாகும் என அவர்கள் கூறியுள்ளனர். இதற்கிடையில், நாட்டில் உள்ள 50-க்கும் மேற்பட்ட வங்கிகளும் மற்றும் UPI சேவை வழங்குநர்களும் இரு மாதங்களுக்குள் இதை அமல்படுத்தியுள்ளனர்,” என்றார்.
அக்டோபர் 8-ஆம் தேதி நடைபெற்ற இந்தியா மொபைல் காங்கிரஸ் (IMC) நிகழ்வில், PhonePe, Paytm மற்றும் தொலைத்தொடர்பு துறை (DoT) இணைந்து பிரதமர் நரேந்திர மோடிக்கு ஒரு விளக்கவுரை (presentation) அளித்தனர்.
அதில், PhonePe நிறுவனம், FRI (Fraud Risk Identification) அமைப்பின் மூலம் சுமார் ரூ.125 கோடி மதிப்பிலான நிதி மோசடி இழப்புகளை குடிமக்கள் தவிர்க்க உதவியதாக தெரிவித்தது. அதேவேளை, Paytm நிறுவனம் கடந்த இரண்டு மாதங்களில் ரூ.68 கோடி மதிப்பிலான மோசடிகளைத் தடுப்பதில் உதவியதாக கூறியது.
Google இந்தியாவின் அரசு விவகாரங்கள் மற்றும் பொது கொள்கைக்கான இந்திய பிரிவு தலைவரான ரஜேஷ் ரஞ்சன், நிறுவனம் DoT-உடன் FRI ஒருங்கிணைப்பை (integration) பற்றிய பேச்சுவார்த்தையில் இருப்பதாக உறுதிப்படுத்தினார். மேலும், Google-க்கு தன்னுடைய AI அடிப்படையிலான மோசடி தடுப்பு திட்டம் “DigiKavach” உள்ளது என்றும், அது ஆன்லைன் நிதி மோசடிகளை அடையாளம் காணவும், ஆய்வு செய்யவும், தடுக்கவும் செயலில் இருப்பதாகவும் கூறினார்.
Google இந்தியா அரசு விவகாரங்கள் மற்றும் பொது கொள்கை (Platforms & Devices) பிரிவு தலைவி அதிதி சட்டுர்வேதி இதுகுறித்து பேசிய போது, “FRI ஒரு நல்ல முயற்சி” என்று கூறினாலும், அதைப் பற்றி மேலதிகமாக கருத்து தெரிவிக்க மறுத்தார். அதே சமயம், ஒரு Google பேச்சாளர் “Google Pay ஏற்கனவே FRI-யை ஒருங்கிணைத்துள்ளது மற்றும் தேவையான அறிக்கை செயல்முறைகளைக் (reporting processes) கடைப்பிடிக்கிறது” என கூறினார். ஆனால் இதை ரஜேஷ் ரஞ்சன் மறுத்தார்.
2025 ஆகஸ்ட் மாதத் தரவுகள் படி, Google Pay இந்தியாவில் UPI பரிவர்த்தனைகளில் PhonePe-க்கு அடுத்ததாக இரண்டாவது இடத்தில் உள்ளது. Google Pay வழியாக பயனர்கள் தொடங்கிய பரிவர்த்தனைகள் 7,063.76 மில்லியன் ஆகும், இதன் மொத்த மதிப்பு ரூ.8,83,682.27 கோடி, இது ஆகஸ்ட் மாதத்திலுள்ள மொத்த UPI பரிவர்த்தனைகளில் 35% ஆகும்.
PhonePe ரூ.11,99,457.73 கோடி மதிப்பிலும், Paytm ரூ. 1,43,484.97 கோடி மதிப்பிலும் பரிவர்த்தனைகளைப் பதிவு செய்துள்ளன. டிஜிட்டல் பாதுகாப்பை வலுப்படுத்தும் நோக்கில், இந்திய ரிசர்வ் வங்கி (RBI), ஜூன் 2025ல் அனைத்து வணிக வங்கிகள், சிறு நிதி வங்கிகள், கட்டண வங்கிகள் மற்றும் கூட்டுறவு வங்கிகள் ஆகியவை FRI ஒருங்கிணைப்பை கட்டாயமாகச் செய்ய வேண்டும் என உத்தரவிட்டது.
இந்த நடவடிக்கை, இந்திய வீடுகளில் 86%க்கும் மேற்பட்டவை இணையத்துடன் இணைந்துள்ளதால், ஆன்லைன் பங்கேற்பும், மோசடிகளுக்கான பாதிப்பும் அதிகரித்துள்ள சூழலில் எடுக்கப்பட்டது. DoT இதை “சைபர் நிதி மோசடிகளுக்கு எதிரான போராட்டத்தில் ஒரு வரலாற்றுச் சந்தர்ப்பம் (watershed moment)” என்று விவரித்தது.
DoT-ன் கருத்துப்படி, இன்று இந்தியா முழுவதும் UPI முக்கிய கட்டண முறையாக மாறியுள்ளதால், FRI மூலமாக லட்சக்கணக்கான மக்களை சைபர் மோசடிகளில் சிக்காமல் காப்பாற்ற முடியும். சைபர் பாதுகாப்பு சம்பவங்கள் 2022இல் 10.29 லட்சத்தில் இருந்து 2024இல் 22.68 லட்சமாக உயர்ந்துள்ளன. இதுவரை, DoT 9.42 லட்சத்திற்கும் மேற்பட்ட SIM கார்டுகளையும், 2,63,348 IMEI எண்களையும் சைபர் மோசடிகளுடன் தொடர்புடையதாகக் கண்டறிந்து தடை செய்துள்ளது.
Read More : Wow! இனி பள்ளிகளில் 3 ஆம் வகுப்பு முதல் AI கல்வி அறிமுகம்.. மத்திய அரசு அதிரடி அறிவிப்பு!
