காசா மீதான இஸ்ரேலிய தாக்குதலில் 5 அல் ஜசீரா பத்திரிகையாளர்கள் உயிரிழந்தனர். அவர்களில் ஒருவர் ‘ஹமாஸ் பயங்கரவாதி’ என்று இஸ்ரேலிய பாதுகாப்புப் படை குற்றம் சாட்டியுள்ளது.
இஸ்ரேல் மற்றும் பாலஸ்தீன இடையிலான நில உரிமை, எல்லை, அரசியல் உரிமைகள் குறித்த நீண்டகால பிரச்சனை காரணமாக காசா மோதல் உருவானது. 1948இல் இஸ்ரேல் நாடு உருவானபோது பாலஸ்தீனர்கள் எதிர்ப்பு தெரிவிக்க தொடங்கினர். 1967 போருக்குப் பிறகு காசா இஸ்ரேல் கட்டுப்பாட்டுக்குள் வந்தது. தற்போது ஹமாஸ் காசாவை நிர்வகிக்கிறது.. மேலும் இஸ்ரேலை அங்கீகரிக்காமல் ஆயுதத் தாக்குதல்கள் நடத்துகிறது. இதனால் அடிக்கடி ராக்கெட், விமானப்படை தாக்குதல்கள் நடந்து, காசா பகுதியில் மனிதாபிமான நெருக்கடி அதிகரித்துள்ளது.
இந்த நிலையில் நேற்று காசாவில் நடத்தப்பட்ட வான்வழித் தாக்குதலில் அல் ஜசீரா பத்திரிகையாளராகக் காட்டிக் கொண்ட ஹமாஸ் பிரிவுத் தலைவர் ஒருவரைக் கொன்றதாக இஸ்ரேல் இராணுவம் தெரிவித்துள்ளது. இருப்பினும், காசா நகரில் உள்ள அல்-ஷிஃபா மருத்துவமனைக்கு வெளியே பத்திரிகையாளர்கள் தங்கியிருந்த கூடாரத்தின் மீது இஸ்ரேல் நடத்திய தாக்குதலில் அதன் பத்திரிகையாளர்களில் குறைந்தது 5 பேர் கொல்லப்பட்டதாக அல் ஜசீரா தெரிவித்துள்ளது.
கிழக்கு காசா நகரில் ஒரு கூடாரத்தின் மீது நடத்தப்பட்ட தாக்குதலில் இறந்த ஐந்து அல் ஜசீரா பத்திரிகையாளர்கள் குழுவில் 28 வயதான அனஸ் அல்-ஷரீஃப் ஒருவராக இருந்தார். தாக்குதலில் மேலும் இரண்டு பேர் கொல்லப்பட்டதாக மருத்துவமனையின் அதிகாரி ஒருவர் தெரிவித்தார். அல்-ஷரீஃப் ஹமாஸ் பிரிவின் தலைவராக இருந்தார், மேலும் “இஸ்ரேலிய பொதுமக்கள் மற்றும் இஸ்ரேலிய படைகள் (இஸ்ரேலிய) துருப்புக்கள் மீது ராக்கெட் தாக்குதல்களை முன்னெடுப்பதற்கு அவர் பொறுப்பேற்றார்” என்று இஸ்ரேலிய இராணுவம் ஒரு அறிக்கையில் தெரிவித்துள்ளது.
28 வயதான அவர் காசாவில் உள்ள மிக முக்கியமான பத்திரிகையாளர்களில் ஒருவர், மேலும் அவரது உயிருக்கு ஆபத்து இருப்பதை அறிந்திருந்தும் தொடர்ந்து செய்தி வெளியிட்டார்.
இருப்பினும், பத்திரிகையாளர் குழுக்களும் அல் ஜசீராவும் இந்தக் கொலைகளைக் கண்டித்துள்ளன. அல் ஜசீரா செய்தியாளர்களான அனஸ் அல்-ஷெரீஃப் மற்றும் முகமது கிரீக், கேமராமேன்கள் இப்ராஹிம் ஜாஹர், மோமன் அலிவா மற்றும் முகமது நௌபால் ஆகியோர் அடங்குவர் என்று அல் ஜசீரா தெரிவித்துள்ளது..
அனஸ் அல்-ஷெரீப்பின் உயிருக்கு ஆபத்து ஏற்பட்டது
காசாவிலிருந்து செய்தி வெளியிட்டதால் அல்-ஷெரீப்பின் உயிருக்கு ஆபத்து இருப்பதாக ஒரு பத்திரிகை சுதந்திரக் குழுவும் ஐ.நா. நிபுணரும் முன்பு எச்சரித்திருந்தனர். ஐ.நா. சிறப்பு அறிக்கையாளர் ஐரீன் கான் கடந்த மாதம் இஸ்ரேலின் கூற்றுக்கள் ஆதாரமற்றவை என்று கூறினார்.
அல்-ஷெரீஃப் தனது மரணத்தின் போது சமூக ஊடகங்களில் ஒரு செய்தியை வெளியிட்டார், அதில், “… அமைதியாக இருப்பவர்களை கடவுள் பார்ப்பார் என்று நம்பி, பொய்யாக திரித்து கூறாமல உண்மையை அப்படியே தெரிவிக்க நான் ஒருபோதும் தயங்கவில்லை.” என்று குறிப்பிட்டிருந்தார்.
ஜூலை மாதம் அல் ஷெரிப்பைப் பாதுகாக்க வேண்டும் என பத்திரிகையாளர்களைப் பாதுகாப்பதற்கான குழு சர்வதேச சமூகத்தை கேட்டுக்கொண்டது.. எனினும் இஸ்ரேல் அவருக்கு எதிரான குற்றச்சாட்டுகளை ஆதரிக்க எந்த ஆதாரத்தையும் வழங்கத் தவறிவிட்டது என்று தெரிவித்தது..
அல்-ஷெரிப்க்கு எக்ஸ் பக்கத்தில், சுமார் 500,000 க்கும் மேற்பட்ட ஃபாலோயர்கள் உள்ளனர்.., தனது மரணத்திற்கு சில நிமிடங்களுக்கு முன்பு எக்ஸ் பக்கத்தில் இஸ்ரேல் இரண்டு மணி நேரத்திற்கும் மேலாக காசா நகரத்தின் மீது தீவிரமாக குண்டுவீசி வருவதாக பதிவிட்டார்.
காசாவின் துணிச்சலான பத்திரிகையாளர்களில் ஒருவர் அல் ஷெரிப் என்று தெரிவித்துள்ள அல் ஜசீரா, இந்த தாக்குதல் காசா ஆக்கிரமிப்பை எதிர்பார்த்து குரல்களை அடக்குவதற்கான ஒரு தீவிர முயற்சி என்றும் கண்டித்துள்ளது.
Read More : துருக்கியில் சக்திவாய்ந்த நிலநடுக்கம்!. ரிக்டர் அளவில் 6.1 ஆக பதிவு!. இஸ்தான்புல் வரை குலுங்கிய பூமி!.
