93 வயது முதியவர் ஒருவர் தனது மனைவிக்கு தாலி வாங்க நகைக் கடைக்கு சென்ற போது, கடைக்காரரின் தாராள மனப்பான்மையால் அதற்கு வெறும் ரூ.20 செலுத்திய நெகிழ்ச்சி சம்பவம் நடந்துள்ளது.
சமூக வலைதளங்களில் அவ்வப்போது பல வீடியோக்கள் வைரலாகி வருகின்றன. ஆனால் அவற்றில் சில வீடியோக்கள் தான் நெகிழ்ச்சியை ஏற்படுத்துகின்றன. அந்த வகையில் நெகிழ்ச்சியான வீடியோ ஒன்று இணையத்தில் வைரலாகி வருகிறது. மகாராஷ்டிரா மாநிலம் சம்பாஜிநகரில் நடந்த ஒரு நெகிழ்ச்சியான சம்பவம், ஒரு வயதான தம்பதியினரின் காலத்தால் அழியாத அன்பையும், உள்ளூர் நகைக்கடைக்காரரின் கருணையையும் வெளிப்படுத்தும் வகையில் அமைந்துள்ளது.
இந்த வீடியோ அனைவரையும் கவர்ந்து வருகிறது. சமூக ஊடகங்களில் வைரலாகி வரும் இந்த காணொளியில், 93 வயது முதியவர் ஒருவர் தனது மனைவிக்கு தாலி வாங்க நகைக் கடைக்குச் செல்வதும், கடைக்காரரின் தாராள மனப்பான்மையால் அதற்கு வெறும் ரூ.20 செலுத்துவதையும் அந்த வீடியோவில் பார்க்க முடிகிறது..
இரண்டு நாட்களுக்கு முன்பு கோபிகா ஜுவல்லர்ஸில் இந்த சம்பவம் நடந்தது. அங்கு வயதானவர் தனது மனைவியுடன் கடைக்குள் நுழைந்தார். ஒருவருக்கொருவர் அன்புடன் இருந்த தம்பதியினர், ஒரு நெக்லஸ் மற்றும் தாலியை தேர்ந்தெடுத்தனர். அவர்களின் அன்பான தொடர்பைக் கண்ட கடை உரிமையாளர் நெகிழ்ச்சியடைந்து உரையாடலைத் தொடங்கினார்.
அவர்களிடம் எவ்வளவு பணம் இருக்கிறது என்று கேட்டபோது, வயதான பெண் ரூ.1,120 பணத்தை காட்டினார். அவர்களின் சாதாரணமான செல்வத்தையும் தூய நோக்கத்தையும் உணர்ந்த கடைக்காரர், “இவ்வளவு பணம்?” என்று கேட்டார்.
இந்த பணம் குறைவாக இருக்கலாம் என்ற நினைத்த, முதியவர் தனது பையில் கையை நீட்டி இரண்டு கட்டுகள் நிறைய நாணயங்களை வெளியே எடுத்தார். இருப்பினும், கடைக்காரர் முழு பணத்தையும் ஏற்க மறுத்துவிட்டார். அதற்கு பதிலாக, அவர்களின் அன்பின் அடையாளமாக, தம்பதியினரிடம் ரூ.20 அதாவது – ஒவ்வொருவரிடமிருந்தும் ரூ.10 – மட்டுமே வசூலிப்பதாக கூறினார். இந்த அன்பான செயல் வயதான தம்பதியினரின் கண்களில் கண்ணீரை வரவழைத்தது.
பின்னர், கடை உரிமையாளர் தம்பதியினரின் மூத்த மகன் இறந்துவிட்டதாகவும், அவர்களின் இளைய மகன் மதுப்பழக்கத்தால் போராடுவதாகவும், இதனால் இருவரும் தனியாக வாழ வேண்டிய நிலை ஏற்பட்டதாகவும் தெரிவித்தார். அவர்களின் கஷ்டங்கள் இருந்தபோதிலும், ஒருவருக்கொருவர் காட்டிய அன்பு அசைக்க முடியாததாகவே உள்ளது.
இந்த வீடியோ இன்ஸ்டாகிராமில் வைரலாகி வருகிறது. இது 2 மில்லியனுக்கும் அதிகமான லைக்குகளைப் பெற்றுள்ளது. 500,000 க்கும் மேற்பட்ட முறை பகிரப்பட்டுள்ளது. சமூக ஊடக பயனர்கள் இந்த தருணத்தை உண்மையான அன்பு, பணிவு மற்றும் இரக்கத்தின் நினைவூட்டல் என்று பாராட்டி வருகின்றனர்.
Read More : டேட்டிங் கன்ஃபார்மா..? ஒரே காரில் ஒன்றாக சென்ற ராஷ்மிகா- விஜய் தேவரகொண்டா ஜோடி..
