ஆசிரியர் தேர்வு வாரிய நியமனத்தில் ஆசிரியர்களுக்கான வயது உச்சவரம்பு நீட்டிக்கப்பட்டுள்ளது. இது ஆசிரியர்களுக்கு மகிழ்ச்சியான தகவலாக தீபாவளிக்கு முன்பு வெளியிடப்பட்டுள்ளது.
ஆசிரியர் நியமனத்தில் பொதுப்பிரிவினரின் வயது உச்ச வரம்பு 40-ல் இருந்து 45 ஆக உயர்த்தி தமிழக அரசு ஆணை வெளியிட்டுள்ளது. இதர பிரிவினருக்கு 45ல் இருந்து 50 ஆக உயர்த்தப்பட்டுள்ளது. 5 ஆண்டுகள் உயர்த்தி தமிழக அரசு ஆணை பிறப்பித்துள்ளது.
பள்ளிக் கல்வித்துறையில் அரசு பள்ளியில் பணி புரியும் ஆசிரியர்கள் மற்றும் பணியாளர்கள் நியமனத்திற்கான வயது வரம்பு 57 ஆகவும், ஓய்வு பெறும் வயது 58 ஆகவும் இருந்தது. இதை அடுத்து 60 ஆக உயர்த்தப்பட்டது. அதே நேரத்தில் பணி நியமனத்திற்கான வயது உச்சவரம்பு 40 ஆக குறைக்கப்பட்டது. இதனால் அதிருப்தி ஏற்பட்டது. கடந்த ஆண்டு ஆசிரியர் தேர்வு வாரியம் அறிவித்த முதுகலைப் பட்டதாரி ஆசிரியர் தேர்வுக்கு முதல் முறையாக வயது வரம்பு கட்டுப்பாடு கொண்டுவரப்பட்டு இதன்படி பொதுப்பிரிவினருக்கு 40 எனவும் இடஓதுக்கீடு பிரிவினருக்கு 45 எனவும் வரம்பு நிர்ணயிக்கப்பட்டது.
இந்த கோரிக்கைகளை முன்வைத்து பல ஆண்டுகளாக போராட்டம் நடத்தப்பட்டு வந்தது. முதலமைச்சர் மற்றும் உயர் அதிகாரிகளிடம் மனு அளித்தனர். இந்நிலையில் ஆசிரியர் பணிக்கான வயது வரம்பை 5 ஆண்டுகள் உயர்த்தி பள்ளிக்கல்வித்துறை கடந்த ஆண்டு அரசாணை வெளியிட்டு இருந்தார்.
மனித வள மேலாண்மைத்துறை நேரடி நியமன உச்சவரம்பு 1.1.2023 முதல் பொதுப்பிரிவினருக்கு 42 ஆகவும் இதர பிரிவினருக்கு 47 ஆகவும் நிர்ணயிக்கப்பட்டிருக்கின்றது என அரசாரணையில் தெரிவிக்கப்பட்டுள்ளது.
