நடிகர் விஜய்யின் ’வாரிசு’ படத்தின் முதல் சிங்கில் ப்ரோமோ இன்று மாலை 6.30 மணிக்கு வெளியாகும் என படக்குழு அறிவித்துள்ளது.
இயக்குநர் வம்சி இயக்கத்தில் நடிகர் விஜய் ‘வாரிசு’ படத்தில் நடித்து வருகிறார். அவருக்கு ஜோடியாக ராஷ்மிகா மந்தனா நடிக்கிறார். இவர்களுடன் பிரகாஷ் ராஜ், பிரபு, சரத்குமார், கணேஷ் வெங்கட்ராமன், ஷாம், குஷ்பு, சங்கீதா, யோகி பாபு, சம்யுக்தா ஆகியோர் முக்கிய வேடங்களில் நடிக்கின்றனர். வாரிசு படத்திற்கு தமன் இசையமைக்கிறார். வாரிசு படத்தின் முதல் சிங்கிள் குறித்த அறிவிப்பு இந்த வாரம் வெளியாகும் என கடந்த சில நாட்களாக சமூக வலைத்தளங்களில் தகவல் பரவி வந்தது. இந்நிலையில் இன்று காலை 10.45 மணிக்கு வாரிசு படத்தின் அப்டேட் இருக்கும் என அந்த படத்தின் தயாரிப்பு நிறுவனமான ஸ்ரீவெங்கடேஸ்வரா கிரியேஷன்ஸ் ட்விட்டரில் தெரிவித்திருந்தது.
அதன்படி, வெளியிட்டிருந்த ட்விட்டர் பதிவில், படத்தின் முதல் சிங்கில் ப்ரோமோ இன்று மாலை 6.30 மணிக்கு வெளியாகும் என அறிவிக்கப்பட்டுள்ளது. இதனால், விஜய் ரசிகர்கள் உற்சாகத்தில் உள்ளனர். மிகுந்த எதிர்ப்பார்ப்புக்கு இடையே வெளியாகும் வாரிசு படத்தின் முதல் சிங்கில் ப்ரோமோ எப்படி உள்ளது என்பதை 6.30 மணிக்கு பார்த்து தெரிந்து கொள்வோம்…
