பிரபல திரைப்படத் தயாரிப்பாளரும் கலைஞருமான புலக் கோகோய், குவஹாத்தியில் உடல்நலக்குறைவு காரணமாக தனியார் மருத்துவமனையில் சிகிச்சை பெற்று வந்த நிலையில் சிகிச்சை பலனின்றி காலமானார். இவருக்கு 84 வயது.
அஸ்ஸாம் முதல்வர் தனது இரங்கலைத் தெரிவித்துள்ளார், “கலாச்சார உலகின் முக்கிய நபரான புகழ்பெற்ற திரைப்பட இயக்குநரும் புகழ்பெற்ற ஓவியரும் கார்ட்டூனிஸ்டுமான புலக் கோகோய் காலமானார் என்ற செய்தியால் நான் வருத்தமடைகிறேன். அவரது குடும்பத்தினருக்கு எனது ஆழ்ந்த இரங்கல் என தெரிவித்துள்ளார்.
அஸ்ஸாமின் முன்னோடி கார்ட்டூனிஸ்டுகளில் ஒருவராக அறியப்படும் புலக் கோகோய், 1963 முதல் 1964 வரை கார்ட்டூனிஸ்ட்டாகத் தொடங்கினார், ஆனால் பின்னர் தி அஸ்ஸாம் ட்ரிப்யூன் குழுமத்தில் சேர்ந்தார்.
1967 ஆம் ஆண்டில், ‘கார்ட்டூன்’ என்ற பத்திரிகையின் ஆசிரியராக பொறுப்பேற்றார், இது 1972 வரை ஐந்து ஆண்டுகள் நீடித்தது. கோகோய் சாடின், அபிகல் போன்ற பல்வேறு செய்தித்தாள்கள் மற்றும் பத்திரிகைகளில் சுதந்திரமான அரசியல் கார்ட்டூனிஸ்டாக தனது பயணத்தைத் தொடர்ந்தார்.
