உலகின் மிக வயதான நபரான பிரஞ்சு கன்னியாஸ்திரி ஆண்ட்ரே காலமானார்.
உலகின் மிக வயதான நபரான பிரஞ்சு கன்னியாஸ்திரி ஆண்ட்ரே, தனது 118 வயதில் பிரான்சின் தெற்கு நகரமான டூலோனில் காலமானார். பிப்ரவரி 11, 1904 இல் லூசில் பிறந்த அவர், 1944 இல் ஒரு கத்தோலிக்க அறக்கட்டளையில் சேர்ந்தபோது ஆண்ட்ரே என்ற பெயரைப் பெற்றார். அவர் தனது 117வது பிறந்தநாளுக்கு ஒரு மாதத்திற்கு முன்பு கொரோனா வைரசால் பாதிக்கப்பட்டார். பிறகு ஜனவரி 2021 இல் கொரோனாவில் இருந்து மீண்டார்.
கத்தோலிக்க கன்னியாஸ்திரி ஆவதற்கு முன்பு, இரண்டாம் உலகப் போரின் போது குழந்தைகளை கவனித்து வந்தார், பின்னர் 28 வருடங்கள் அனாதைகள் மற்றும் வயதானவர்களை மருத்துவமனையில் கவனித்து வந்தார். கடந்த ஆண்டு பிப்ரவரியில் தனது 118வது பிறந்தநாளில், பிரியமான கன்னியாஸ்திரி பிரான்ஸ் அதிபர் இம்மானுவேல் மக்ரோனிடமிருந்து பிறந்தநாள் வாழ்த்துக்கள் பெற்றார். மக்ரோன் தனது வாழ்நாளில் தலைமை தாங்கிய 18வது பிரான்ஸ் அதிபர் என்பது குறிப்பிடத்தக்கது.
