நாட்டின் மிகப்பெரிய பொதுத்துறை வங்கியான எஸ்பிஐ வங்கி தனது வாடிக்கையாளர்களுக்காக பல்வேறு புதிய வசதிகளை அறிமுகம் செய்து வருகிறது.. அந்த வகையில் எஸ்பிஐ வங்கி வாடிக்கையாளர்கள், இனி பணம் எடுக்க ஏடிஎம் மையத்திற்கோ அல்லது வங்கிக்கோ செல்ல வேண்டியதில்லை.. ஆம்.. டோர்ஸ்டெப் சேவையின் (Doorstep Service) உதவியுடன் வீட்டு வாசலிலேயே பணத்தை பெற்றுக்கொள்ளலாம்.. ஏடிஎம்கள் மற்றும் பிற UPI சேவைகளைப் பயன்படுத்துவதில் சிக்கல் உள்ள மூத்த குடிமக்கள் மற்றும் ஊனமுற்ற நபர்களுக்கு, இந்தச் சேவை மிகவும் பயனுள்ளதாக இருக்கும் எஸ்பிஐவங்கி தெரிவித்துள்ளது..
ஒரு சில எளிய வழிமுறைகளை மேற்கொண்டால் போது வீட்டில் இருந்து கொண்டே பணம் பெற முடியும்.. எஸ்பிஐ டோர்ஸ்டெப் பேங்கிங் சேவையைப் பயன்படுத்த வாடிக்கையாளர்கள் முதலில் பதிவு செய்ய வேண்டும். தங்கள் ஸ்மார்ட்போன்களில் டோர்ஸ்டெப் பேங்கிங் செயலியை நிறுவி, பதிவு செய்வதற்கான செயல்முறையை மேற்கொள்ள வேண்டும்.. பின்னர் அந்த செயலியில் உள்நுழைந்து பதிவுசெய்த பிறகு தங்கள் முகவரியை உள்ளிட வேண்டும்..
வாடிக்கையாளர்கள் செயலியில் பணம் எடுப்பதற்கான கோரிக்கையைச் சமர்ப்பித்து, பணத்தை எடுக்க எஸ்பிஐ வங்கியைத் தேர்ந்தெடுக்க வேண்டும். கோரிக்கையைச் சமர்ப்பிக்கும் முன் அவர்களின் வங்கிக் கணக்கு எண்ணின் இறுதி ஆறு இலக்கங்களை உள்ளிட வேண்டும். சரிபார்த்த பிறகு அவர்களின் மொபைல் எண்ணுக்கு OTP வழங்கப்படும். வாடிக்கையாளர்கள் செயலியில் OTP ஐ உள்ளீடு செய்து சமர்ப்பிக்க வேண்டும்.
அடுத்த கட்டமாக, அவர்களின் கணக்கிலிருந்து பணத்தை எடுக்கும் சேவையைத் (service of taking money) தேர்வுசெய்து, பரிவர்த்தனைத் தொகையை உள்ளிட்டு, பரிவர்த்தனை முறையைத் தேர்வுசெய்ய வேண்டும். ஒரு மாதத்தில், மாற்றுத்திறனாளிகளுக்கு மூன்று இலவச பரிவர்த்தனைகளை வங்கி வழங்குகிறது. இருப்பினும், நுகர்வோர் இந்த விருப்பத்தை மாதத்திற்கு மூன்று முறைக்கு மேல் பயன்படுத்தினால், ரூ.75 மற்றும் ஜிஎஸ்டி செலுத்த வேண்டும்.
பரிவர்த்தனைக்குப் பிறகு, வாடிக்கையாளரின் அடையாளத்தை உறுதிசெய்து பணத்தை வழங்குவதற்கு ஒரு முகவர் வாடிக்கையாளரின் இல்லத்திற்கு அனுப்பப்படுவார். எஸ்எம்எஸ் மூலமாகவும் வாடிக்கையாளர்களுக்கு அறிவிப்பு அனுப்பப்படும். இதன் மூலம் எஸ்பிஐ வாடிக்கையாளர்கள் வீட்டில் இருந்து கொண்டே எளிதில் பணம் பெற முடியும்..
