வாரிசு மற்றும் துணிவு திரைப்படங்களின் வசூல் 2023 ஆம் ஆண்டில் தமிழ் சினிமாவிற்கு மிகப்பெரிய ஆரம்பமாக இருக்கிறது. அஜித் நடிப்பில் வெளியான துணிவு மற்றும் விஜய் நடிப்பில் வெளியான வாரிசு உள்ளிட்ட இரு திரைப்படங்களும் இந்த வருடத்தின் முதல் திரைப்படங்களாக வெளியாகி வசூலில் சாதனை படைத்து வருகிறது.
வெளியான தினங்களில் இருந்து துணிவு திரைப்படம் முன்னிலையில் இருந்தாலும், அதன் பிறகு வந்த நாட்களில் வாரிசு சற்று துணிவு திரைப்படத்தை விட அதிகமாக வசூலிக்க ஆரம்பித்தது. ஆனாலும் தற்சமயம் அந்த நிலைமை அப்படியே பழையபடி தலைகீழாக மாறி உள்ளது. அதாவது, வசூலில் மீண்டும் துணிவு முதலிடத்தை பிடித்திருக்கிறது.
இந்த 2 திரைப்படங்களும் வெளியாகி 18 நாட்கள் முடிவடைந்துள்ள சூழ்நிலையில், துணிவு திரைப்படம் தமிழகத்தில் 123 கோடிக்கு மேல் வசூலித்து இருக்கிறது. அதேபோல வாரிசு திரைப்படம் 122 கோடிக்கு மேல் வசூல் செய்திருக்கிறது. சிறிய வித்தியாசத்தில் வாரிசு திரைப்படம் துணிவு திரைப்படத்தை விட பின் தங்கியிருக்கிறது என்பது குறிப்பிடத்தக்கது.
