பட்டியலின மாணவர்களுக்கான போஸ்ட் மெட்ரிக் உதவித்தொகை இணையவழி சாதி சான்று கேட்டு விண்ணப்பிக்கும் போது உடனடியாக வழங்க நடவடிக்கை எடுக்க உத்தரவிட்டுள்ளது.
2022-2023 ஆம் கல்வியாண்டு முதல் மாணாக்கர் கல்வி உதவித் தொகை விண்ணப்பிக்க ஆதார் எண், ‘இணையவழியில் பெறப்பட்ட வருமான சான்று, சாதி சான்று உள்ளிட்ட ஆவணங்கள் கட்டாயமாக்கப்பட்டுள்ளது. அதன் அடிப்படையில், தமிழ்நாடு இ-சேவை மையம் மூலம் ஆதிதிராவிடர், பழங்குடியினர் மற்றும் கிருத்துவ மதம் மாறிய ஆதிதிராவிடர் மாணக்கருக்கான கல்வி உதவித்தொகை இணையதளம் உருவாக்கப்பட்டு, மாணாக்கரின் சாதிச் சான்றிதழ், வருமான சான்றிதழ் மற்றும். ஆதார் விவரங்கள் சம்பந்தப்பட்ட தரவு தளத்தில் இருந்து தானாகவே எடுத்து சரிபார்க்கும் முறை ஏற்படுத்தப்பட்டுள்ளது.
எனவே போஸ்ட் மெட்ரிக் கல்வி உதவித்தொகை திட்டத்தின் கீழ் மாணாக்கர் கல்வி உதவித்தொகை கோரி விண்ணப்பிக்க ‘இணையவழியில் பெறப்பட்ட சாதிச் சான்றிதழ் அவசியம் என்பதால், ஏற்கனவே இயன்முறை சாதிச்சான்றிதழ் வைத்திருக்கும் மாணாக்கர் இணையவழி சாதிச் சான்றிதழ் பெற விண்ணப்பிக்கும் போது அவர்களுக்கு உடணடியாக இணையவழி சாதி சான்று வழங்க அனைத்து மாவட்ட வருவாய் அலுவலர்களுக்கு, வட்டாட்சியர், கோட்ட வருவாய் அலுவலர் உரிய தெளிவுரை அறிவுரை வழங்க வேண்டும்.
