நம்மில் பலருக்கும், ஒரு நாள் முடிவடையும் விதம் அன்றாட வாழ்க்கையில் இப்படித்தான் இருக்கும்: இரவு 8 அல்லது 9 மணி அதற்கு பின் சாப்பிட்டுவிட்டு உடனடியாக தூங்கச் செல்வது. ஆனால், இருதயநோய் நிபுணரும் செயல்பாட்டு மருத்துவ நிபுணருமான டாக்டர் அலோக் சோப்ராவின் கூற்றுப்படி, படுக்கைக்குச் செல்வதற்கு குறைந்தது மூன்று மணி நேரத்திற்கு முன்பே சாப்பிடுவது அவசியம், அதற்குப் பின்னால் ஒரு அறிவியல் காரணம் இருக்கிறது.
‘தூங்குவதற்கு குறைந்தது 3 மணி நேரத்திற்கு முன்பே உணவு சாப்பிடவேண்டும்: உங்கள் பாட்டி, தாத்தா போன்றவர்கள் இரவு உணவை அதிகபட்சம் 6 முதல் 7 மணி இடையே முடித்துவிடுவார்கள் என்பதை நீங்க கவனித்திருக்கலாம். அதற்குப் பிறகு ஏதும் சாப்பிடுவதையே தவிர்ப்பார்கள். இதற்கு ஒரு காரணம் உள்ளது. உண்மையில், உண்ணாவிரதம் (intermittent fasting) கடைப்பிடிக்கிறவர்கள் கூட ஒரு குறிப்பிட்ட நேரத்திற்கு பிறகு உணவு எடுத்துக்கொள்ளலை தவிர்ப்பார்கள். இது சீரான உடல் நேரமுறை (circadian rhythm) மற்றும் உடல் பராமரிப்பில் முக்கிய பங்கு வகிக்கிறது. இந்தப் பழக்கத்திற்குப் பின்னால் ஒரு பெரிய ஆரோக்கிய நன்மை இருக்கிறது என்பது தெரியவந்துள்ளது.
டாக்டர் அலோக் சோப்ராவின் கூற்றுப்படி, , நீங்கள் உண்ணாவிரதம் கடைப்பிடிக்கிறீர்களா இல்லையா என்ற கேள்வி முக்கியமல்ல . ஆனால் தூங்குவதற்கு குறைந்தபட்சம் மூன்று மணி நேரத்திற்கு முன் உணவிழிக்க வேண்டும் என்பது மிக முக்கியம். “தூக்கம் என்பது உங்கள் உடல் தன்னை சீர்செய்யவும், புதுப்பிக்கவும், மீள்தெழுப்பவும் பயன்படுத்தும் நேரம். செரிமானக் கோளாறு ஏற்படுத்தும் வேலைக்கு அதைப் பயன்படுத்தக் கூடாது. தூக்கம், தனது வேலையைச் செய்யட்டும். உணவுகளை குறைந்தபட்சம் 3 மணி நேரத்திற்கு முன் முடித்துவிடுங்கள் என்று கூறுகிறார்.
எப்படி உதவும்: “பெரும்பாலான மக்கள் தங்கள் கடைசி உணவை சாப்பிட்டுவிட்டு நேராக தூங்கச் செல்கிறார்கள். அந்தப் பழக்கத்தை உடனடியாக நிறுத்துங்கள்.” ஏனென்றால், தூக்கத்திற்கு மிகக் குறைந்த சக்தி மற்றும் எரிபொருள் தேவைப்படுகிறது. “தூக்கத்தின் போது, நாம் நச்சு நீக்கம், பழுதுபார்ப்பு, ஓய்வு மற்றும் புத்துணர்ச்சியை அனுபவிக்கிறோம். தூங்குவதற்கு சற்று முன்பு உணவு உண்பது இந்த செயல்முறையை சீர்குலைக்கிறது, ஏனெனில் உடல் இந்த பிற நன்மை பயக்கும் செயல்பாடுகளை விட செரிமானத்தில் ஈடுபடுகிறது. கீட்டோன்கள் பயன்படுத்தப்படுகின்றன, மேலும் கிளைகோஜன் குறைகிறது.”
உங்கள் தூக்க அட்டவணைக்கும் நாளின் கடைசி உணவுக்கும் இடையிலான உகந்த நேரம் 3 மணிநேரம் என்று அவர் அறிவுறுத்திய போதிலும், டாக்டர் அலோக், “மூன்று மணிநேரம் போதுமானது, ஆனால் நீங்கள் தூங்குவதற்கு நான்கு முதல் ஆறு மணி நேரம் காத்திருப்பது நல்லது” என்று வலியுறுத்தினார்.
