உத்தரகாண்ட் மாநிலம் தெஹ்ரி கர்வாலில் சமீபத்தில் ஒரு அதிர்ச்சியூட்டும் சம்பவம் அரங்கேறி உள்ளது.. தன்னை கடத்தி, சித்திரவதை செய்து, காவல் நிலையத்தில் சிறுநீர் குடிக்க கட்டாயப்படுத்தியதாக ஒரு நபர் கூறியுள்ளார்.. இது தொடர்பாக அவர் வெளியிட்ட வீடியோ இணையத்தில் வெளியாகி, பொதுமக்களின் சீற்றத்தை ஏற்படுத்தியுள்ளது.. இதனால் தெஹ்ரி உயர் காவல்துறை அதிகாரி வழக்கை வேறு மாவட்டத்திற்கு மாற்ற உத்தரவிட்டார்.
செப்டம்பர் 16 ஆம் தேதி, குரான் கிராமத்தைச் சேர்ந்த கேசவ் தல்வால் சமூக வலைதள பக்கத்தில் ஒரு வீடியோவை பதிவேற்றி உள்ளார்.. அதில், மே 9 ஆம் தேதி, சம்பாவில் இருந்து முசோரி சாலை நோக்கி காரில் சென்றபோது, இரண்டு பேர் தன்னைக் கடத்தி, கட்டு கால் பகுதியில் உள்ள கோடி காலனி காவல் நிலையத்தில் இறக்கிவிட்டதாகக் கூறியுள்ளார்.. அங்கு, ஸ்டேஷன் ஹவுஸ் அதிகாரி (SHO) தர்மேந்திர ரவுண்டலா மற்றும் பிற காவல்துறை அதிகாரிகள் தன்னை அடித்து துன்புறுத்திய உடன், ஆடைகளை கழற்ற சொல்லி கட்டாயப்படுத்தினர்.. மேலும் எச்சில் துப்பிய தண்ணீரை குடிக்கவும்,, காலணிகளைக் கழுவுவது மற்றும் சிறுநீர் குடிக்க கட்டாயப்படுத்தியது உள்ளிட்ட மனிதாபிமானமற்ற முறையில் தன்னை நடத்தியதாகவும் கூறியுள்ளார்..
இந்த வைரல் வீடியோ விரைவில் பிரபலமடைந்து, கிராமவாசிகள் மற்றும் எதிர்க்கட்சிகளின் கோபத்தை ஈர்த்தது. உள்ளூர்வாசிகள் ராகேஷ் தல்வால் தலைமையில் கிராம மக்கள் நியாயமான விசாரணை நடத்தக் கோரி காவல்துறையிடம் ஒரு மனுவை சமர்ப்பித்தனர், அதே நேரத்தில் காங்கிரஸ் மாவட்டத் தலைவர் ராகேஷ் ராணா குற்றச்சாட்டுகளை மிகவும் கடுமையானதாகக் கூறி கடுமையான நடவடிக்கை எடுக்கக் கோரினர்.
ஆனால் தெஹ்ரி கர்வால் காவல்துறை குற்றச்சாட்டுகளை நிராகரித்து, கேசவ் பொய்யான புகார்களை அளித்துள்ளதாக தெரிவித்தனர்… மூத்த காவல்துறை கண்காணிப்பாளர் ஆயுஷ் அகர்வால், கேசவ் முன்பு தனது சகோதரி மீது அற்பமான புகாரைச் செய்ததாகவும், இப்போது அவரது சொந்த குடும்ப உறுப்பினர்களிடமிருந்து குற்றச்சாட்டுகள் எதிர்க்கப்படுவதாகவும் கூறினார். கேசவ் தன்னையும் தனது சகோதரியையும் அடித்ததாகவும், வீட்டிற்குள் எரிவாயு சிலிண்டரை தீ வைக்க முயன்றதாகவும், இதனால் அவர்களின் உயிருக்கு ஆபத்து ஏற்பட்டதாகவும் அவரது தாயார் குற்றம் சாட்டினார்.
கேசவ் மீது தாக்குதல், கொலை மிரட்டல் மற்றும் ஆயுதச் சட்டத்தின் கீழ் பல குற்றவியல் புகார்கள் ஏற்கனவே பதிவு செய்யப்பட்டுள்ளதாக எஸ்எஸ்பி அகர்வால் தெரிவித்தார். தவறான தகவல்கள் அல்லது தவறான கூற்றுகளைப் பரப்புவது சட்ட நடவடிக்கைக்கு வழிவகுக்கும் என்று அவர் எச்சரித்தார், ஆனால் ஒரு அரசிதழ் பதிவு பெற்ற அதிகாரியால் விசாரணை நியாயமான முறையில் மேற்கொள்ளப்படுகிறது என்று உறுதியளித்தார்.
இதற்கிடையில், கேசவின் வீடியோவில் பட்டியலிடப்பட்டுள்ள லம்ப்கான் காவல் நிலைய அதிகாரி தர்மேந்திர ரவுண்டேலா, அவர் கூறிய கருத்துகள் ஆதாரமற்றவை என்றும் ஜோடிக்கப்பட்டவை என்றும் கூறினார்.
இந்த ஊழலுக்கு எதிர்வினையாக, உத்தரகண்ட் காவல்துறை இயக்குநர் ஜெனரல் ராஜீவ் ஸ்வரூப், நியாயத்தையும் வெளிப்படைத்தன்மையையும் வழங்குவதற்காக விசாரணையை தெஹ்ரி மாவட்டத்திற்கு வெளியே ஒப்படைத்துள்ளார்.
கேசவ் மற்றும் அவரின் குடும்பத்தினர் காவல்துறையினரை குற்றம்சாட்டிய நிலையில் காவல்துறையினர் கேசவ் குடும்பத்தினர் மீது பல குற்றச்சாட்டுகளை முன் வைத்துள்ளது.. இந்த மாறுபட்ட கூற்றுக்கள், காவல் துஷ்பிரயோகம் மற்றும் பொறுப்புக்கூறல் குறித்து பொது விவாதத்தை தூண்டியுள்ளது.. இதுகுறித்து வழக்கு விசாரணையில் உள்ளது.
