உடல் பருமன் இன்று பலரின் பொதுவான பிரச்சனையாக உள்ளது. பெரியவர்கள் முதல் குழந்தைகள் வரை உடல் பருமனால் அவதிப்படுகின்றனர். உடல் எடையை குறைக்க பலரும் ஜிம், டயட் என பல்வேறு முயற்சிகளை கடைபிடித்து வருகின்றனர். இருப்பினும், எதிர்பார்த்த பலன் கிடைப்பதில்லை. இதற்கு காரணம், நாம் தேர்ந்தெடுக்கும் உணவுப் பழக்கம்தான். எனவே, இந்தப் பதிவில் உடல் எடையை குறைப்பதற்கான வழிமுறைகள் குறித்து பார்க்கலாம்.
இலை கீரைகள்: கீரை மற்றும் லெட்டூஸ் போன்ற இலை கீரைகளில் 100 கிராமுக்கு 23 முதல் 30 கலோரிகள் மட்டுமே உள்ளன. இதில் வைட்டமின்கள் ஏ, சி, மற்றும் கே ஆகியவை நிறைந்துள்ளன.
வெள்ளரிக்காய்: 100 கிராம் வெள்ளரிக்காயில் வெறும் 16 கலோரிகள் மட்டுமே உள்ளன. அதிக நீர்ச்சத்து நிறைந்த இது நீரேற்றத்திற்கு உதவுகிறது.
செலரி: 100 கிராம் செலரியில் 14 கலோரிகள் மட்டுமே உள்ளன. இது உடலில் இரத்த ஓட்டத்தை மேம்படுத்தி இரத்த அழுத்தத்தைக் குறைக்கிறது.
காளான்: 100 கிராம் காளான்களில் 22 கலோரிகள் உள்ளன. இது புரதச்சத்து மற்றும் ஆன்டிஆக்ஸிடென்ட்கள் நிறைந்த உணவு.
கேரட்: 100 கிராம் கேரட்டில் 41 கலோரிகள் மட்டுமே உள்ளன. இதில் உள்ள பீட்டா கரோட்டின் மற்றும் நார்ச்சத்து வளர்சிதை மாற்றத்தை அதிகரித்து எடையைக் குறைக்க உதவுகிறது.
சீமை சுரைக்காய்: 100 கிராம் சீமை சுரைக்காயில் 17 கலோரிகள் உள்ளன. இதில் நார்ச்சத்து மற்றும் வைட்டமின் சி அதிகம்.
தக்காளி: 100 கிராம் தக்காளியில் 18 கலோரிகள் மட்டுமே உள்ளன. இது வைட்டமின் சி மற்றும் லைகோபீன் போன்ற ஆன்டிஆக்ஸிடென்ட்களைக் கொண்டுள்ளது.
ப்ரோக்கோலி மற்றும் காலிஃபிளவர்: இந்த இரண்டு காய்கறிகளும் குறைந்த கலோரிகளையும், அதிக நார்ச்சத்து மற்றும் வைட்டமின் சி-யையும் கொண்டுள்ளன.
குறைந்த கலோரி பழங்கள் :
தர்பூசணி: 100 கிராம் தர்பூசணியில் 30 கலோரிகள் மட்டுமே உள்ளன. இதில் நீர்ச்சத்து அதிகமாக இருப்பதால் உடலை நீரேற்றமாக வைத்திருக்க உதவுகிறது.
ஸ்ட்ராபெர்ரிகள்: 100 கிராம் ஸ்ட்ராபெர்ரிகளில் 32 கலோரிகள் உள்ளன. இதில் வைட்டமின் சி மற்றும் நார்ச்சத்து நிறைந்துள்ளது.
