வாழ்க்கை நெறிமுறைகளை வகுப்பதில் ஈடு இணையற்றவராக கருதப்படும் சாணக்கியர், ஒருவரது வீட்டில் நிதி நெருக்கடி ஏற்படுவதற்கு முன்னதாகவே சில அறிகுறிகள் தென்படும் என குறிப்பிட்டுள்ளார். மனித வாழ்வின் இலக்குகளை அடைவதற்கான வழிகாட்டியாக திகழும் ‘சாணக்கிய நீதி’, நமது வறுமை காலத்தைக் குறித்து எச்சரிக்கும் அந்த 5 முக்கியக் காரணிகள் குறித்து இங்கே காண்போம்.
இயற்கையும் இல்லறமும் தரும் எச்சரிக்கை : ஒருவரது வீட்டில் பசுமையாக வளர வேண்டிய துளசி செடி திடீரென வாடி போவது, வரவிருக்கும் பொருளாதார சிக்கல்களுக்கான முதல் அறிகுறியாக சாணக்கியர் கருதுகிறார். துளசி செடி காய்வது அந்த வீட்டின் லட்சுமி கடாட்சம் குறைவதை குறிப்பதாக நம்பப்படுகிறது. அதேபோல், தேவையின்றி குடும்ப உறுப்பினர்களிடையே அடிக்கடி நிகழும் சச்சரவுகள், அந்த வீட்டில் அமைதியின்மையை உண்டாக்கி நிதி நிலையைச் சீர்குலைக்கும். மனக்கசப்பு உள்ள இடங்களில் செல்வத் திருமகள் தங்குவதில்லை என்பதே இதன் உட்பொருள்.
சகுனங்களும் ஆன்மீக அலட்சியமும் : வீட்டில் உள்ள கண்ணாடிகள் எதிர்பாராத விதமாக தானாக உடைவது அசுப சகுனமாக பார்க்கப்படுகிறது. இது எதிர்வரும் பெரிய இன்னல்களை முன்கூட்டியே உணர்த்தும் எச்சரிக்கையாக சாணக்கிய நீதியில் சொல்லப்பட்டுள்ளது. அதுமட்டுமன்றி, ஆன்மீக வழிபாடு இல்லாத வீடுகளில் எதிர்மறை ஆற்றல்கள் குடியேறும். பூஜை அறை தூசி படிந்து காணப்படுவதும், முறையான வழிபாடுகள் மேற்கொள்ளாததும் வறுமையை வரவேற்கும் செயல்களாக கருதப்படுகிறது. மகிழ்ச்சியும் செழிப்பும் நிலவ தினமும் இறைவழிபாடு அவசியமாகிறது.
பெரியோரை மதிக்கும் பண்பு : எந்தவொரு இல்லத்தில் பெரியோர்களும், முதியவர்களும் அவமதிக்கப்படுகிறார்களோ, அங்கிருந்து செல்வம் தானாகவே வெளியேறிவிடும். பெரியவர்களின் ஆசி இல்லாத வீடுகளில் மகிழ்ச்சி நிலைக்காது என்பதை சாணக்கியர் ஆணித்தரமாக வலியுறுத்துகிறார். எனவே, நிதி நெருக்கடியில் இருந்து தப்பிக்கவும், நிரந்தரச் செல்வத்தை பெறவும் வீட்டுப் பெரியவர்களை கௌரவமாக நடத்துவது அவசியமாகும்.
