உடல் உள்ளுறுப்புகளைத் தூய்மைப்படுத்துவது (Detox) பற்றிப் பலரும் அறிந்திருப்போம். ஆனால், பெண்களுக்கு மிக முக்கியமான கருப்பையை இயற்கையான முறையில் சுத்தம் செய்வது குறித்துப் பலரும் விழிப்புணர்வு கொள்வதில்லை. ஹார்மோன் மாற்றங்கள், சீரற்ற மாதவிடாய் மற்றும் கருமுட்டை எச்சங்கள் எனப் பல்வேறு காரணங்களால் கர்ப்பப்பையில் தேங்கும் நச்சுகள், பிற்காலத்தில் பல ஆரோக்கியச் சிக்கல்களுக்கு வழிவகுக்கின்றன. இதனைத் தவிர்க்க, நம் முன்னோர்கள் பயன்படுத்திய எளிய மற்றும் பாரம்பரிய பானம் ஒன்றை தற்போதைய மருத்துவ நிபுணர்களும் பரிந்துரைக்கின்றனர்.
கருப்பை தூய்மை பானம் தயாரிக்கும் முறை:
இந்த ஆரோக்கிய பானத்தை தயாரிக்க 2 இன்ச் இஞ்சி, ஒரு எலுமிச்சை பழம், அரை ஸ்பூன் மஞ்சள் பொடி மற்றும் ஒரு ஸ்பூன் மிளகுத் தூள் ஆகியவையே போதுமானது. 3 கப் தண்ணீரை நன்றாகக் கொதிக்க வைத்து, அதில் துருவிய இஞ்சி மற்றும் வட்டமாக நறுக்கிய எலுமிச்சை துண்டுகளைச் சேர்க்க வேண்டும். பின்னர் மஞ்சள் மற்றும் மிளகுத் தூள் சேர்த்து, அடுப்பைச் சிறு தீயில் வைத்து 10 நிமிடங்கள் கொதிக்க விட வேண்டும். இந்த நீர் வெதுவெதுப்பான நிலைக்கு வந்தவுடன் வடிகட்டி, ஒரு நாளைக்கு 2 முதல் 3 கப் வரை தேநீர் போலப் பருகலாம்.
பயன்படுத்தும் முறை :
மாதவிடாய் தொடங்குவதற்கு ஒரு நாளைக்கு முன்பாகவே இந்தப் பானத்தைக் குடிக்கத் தொடங்கினால், மாதவிடாய் காலத்தில் ஏற்படும் கடுமையான வயிற்று வலி மற்றும் பிடிப்புகள் வெகுவாகக் குறையும். 5 முதல் 7 நாட்கள் வரை இதனைத் தொடர்ந்து குடிப்பதன் மூலம் கருப்பையில் உள்ள கழிவுகள் முழுமையாக வெளியேறி, அந்த உறுப்பு புத்துயிர் பெறும். இதில் சேர்க்கப்பட்டுள்ள இஞ்சி மற்றும் மஞ்சள் வீக்கத்தைக் குறைக்கும் (Anti-inflammatory) ஆற்றல் கொண்டவை. மிளகு மஞ்சளின் சத்தை உடல் முழுமையாக உறிஞ்ச உதவுகிறது, எலுமிச்சை உடலில் pH அளவைச் சீராக வைக்கிறது.
எளிமையான முறையில் வீட்டில் இருக்கும் பொருட்களைக் கொண்டே தயாரிக்கப்படும் இந்தப் பானம், பெண்களின் இனப்பெருக்க மண்டல ஆரோக்கியத்தை மேம்படுத்துவதோடு, ஹார்மோன் சமநிலையின்மைப் பிரச்சனைகளையும் கட்டுப்படுத்துகிறது. மாதவிடாய் காலத்தை வலியற்றதாகவும், ஆரோக்கியமானதாகவும் மாற்ற விரும்பும் பெண்களுக்கு இது ஒரு சிறந்த இயற்கை மருந்தாகும்.
Read More : வீடுகளில் நாய் வளர்த்தால் ரூ.5,000 அபராதம்..!! வீடு வீடாக சென்று ஆய்வு..!! சென்னை மாநகராட்சி அதிரடி..!!
