தமிழகத்தின் முன்னணி கல்வி நிறுவனமான மெட்ராஸ் யுனிவர்சிட்டி மருத்துவ மரபியல் துறையில் புதிய ஆராய்ச்சி திட்டத்தை தொடங்கியுள்ளது. இதற்காக தகுதியான பட்டதாரிகளிடமிருந்து விண்ணப்பங்கள் வரவேற்கப்படுகின்றன.
“குழந்தைகளில் காணப்படும் அரிய மரபணு நோய்கள்” குறித்த ஆய்வை முன்னெடுக்க, ‘புராஜெக்ட் அசோசியேட் – 1’ பதவிக்கான ஒரு காலிப்பணியிடம் அறிவிக்கப்பட்டுள்ளது. அறிவியல் துறையில் ஆர்வமுள்ள இளைஞர்களுக்கு இது சிறந்த வாய்ப்பாக கருதப்படுகிறது.
கல்வித் தகுதி: இந்தப் பணிக்கு விண்ணப்பிக்க விரும்புவோர் அங்கீகரிக்கப்பட்ட கல்வி நிறுவனத்தில் உயிரி மருத்துவ மரபியல் (BioMedical Genetics) துறையில் முதுகலை (M.Sc.) பட்டம் பெற்றிருக்க வேண்டும். மரபணு ஆய்வில் அனுபவம் மற்றும் தொழில்நுட்ப திறன் உள்ளவர்களுக்கு முன்னுரிமை வழங்கப்படும்.
வயது வரம்பு:
பொதுப்பிரிவு: 27 வயது வரை
பெண்கள்: 5 ஆண்டுகள் தளர்வு
SC / ST / மாற்றுத்திறனாளிகள்: 5 ஆண்டுகள் தளர்வு
OBC: 3 ஆண்டுகள் தளர்வு
சம்பளம்: தேர்வு செய்யப்படும் நபருக்கு மாதம் ரூ.31,000 அடிப்படை ஊதியமாக வழங்கப்படும். இதற்கு கூடுதலாக 24% வீட்டு வாடகை படி (HRA) வழங்கப்படுவதால், மொத்த சம்பளம் சுமார் ரூ.38,440 வரை கிடைக்கும்.
தேர்வு செய்யப்படும் முறை: விண்ணப்பித்தவர்களில் தகுதியானவர்கள் மட்டும் தேர்வு செய்யப்பட்டு, அவர்களுக்கு மின்னஞ்சல் மூலம் நேர்காணல் தகவல் வழங்கப்படும்.
விண்ணப்பிக்கும் முறை: பூர்த்தி செய்யப்பட்ட விண்ணப்பத்துடன் தேவையான சான்றிதழ் நகல்களை இணைத்து, தரமணி வளாகத்தில் உள்ள மரபியல் துறைத் தலைவர் ஏ.கே.முனிராஜன் அவர்களுக்கு தபால் மூலம் அனுப்ப வேண்டும். கூடுதல் விவரங்களை அதிகாரப்பூர்வ இணையதளத்தில் முழுமையாகப் படித்துத் தெரிந்துகொள்ளலாம்.
கடைசி தேதி: ஏப்ரல் 25, 2026.
Read more: LIC-யில் முதலீடு செய்வோருக்கு ஜாக்பாட்..! ஒன்று வாங்கினால், ஒன்று இலவசம்..!
