சமையலறையில் நாம் அடிக்கடி சந்திக்கும் ஒரு சிக்கல் பயன்படுத்திய எண்ணெய். பூரி, வடை, பஜ்ஜி போன்றவை பொரித்த பிறகு மீதமுள்ள எண்ணெயில் சிறு உணவுத் துகள்கள் கலந்து அழுக்காகி விடுகிறது. அதை அப்படியே வைத்தால் விரைவில் கெட்டுப்போகும். ஆனால் ஒரு எளிய யுக்தி மூலம், அந்த எண்ணெயை மீண்டும் சுத்தமாக மாற்ற முடியும்.
இதற்காக முதலில் ஒரு சிறிய கிண்ணத்தில் சோள மாவை எடுத்து, அதில் சிறிதளவு தண்ணீர் சேர்த்து கட்டிகள் இல்லாமல் பசை போல நன்றாகக் கலக்க வேண்டும். பின்னர் பயன்படுத்திய எண்ணெயை ஒரு வாணலியில் லேசாக சூடாக்கவும். புகை வரும் அளவுக்கு சூடாக்க வேண்டாம். எண்ணெய் சூடானதும், தயார் செய்த சோள மாவுக் கலவையை மெதுவாக அதில் சேர்க்கவும்.
உடனே எண்ணெயில் இருக்கும் சிறு உணவுத் துகள்கள் மற்றும் அழுக்குகள் அனைத்தும் அந்த கலவையுடன் ஒட்டிக்கொண்டு, ஒரு கட்டி போல உருவாகத் தொடங்கும். அதை ஒரு கரண்டி அல்லது வடிகட்டியின் உதவியுடன் எடுத்து விடலாம். இப்போது எண்ணெய் தெளிவாகவும் சுத்தமாகவும் மாறியிருக்கும். இந்த முறை மூலம் எண்ணெயை வீணாக்காமல் மீண்டும் பயன்படுத்த முடியும். சோள மாவு ஒரு காந்தம் போல செயல்பட்டு, அழுக்குகளை தன்னுள் ஈர்க்கிறது.
ஆனால், ஒரு முக்கிய விஷயம் ஒரே எண்ணெயை மீண்டும் மீண்டும் பயன்படுத்துவது உடல்நலத்திற்கு நல்லதல்ல. குறிப்பாக ஆழ் பொரித்த எண்ணெயை பலமுறை பயன்படுத்துவது தீங்கு விளைவிக்கக்கூடும். எனவே, இந்த முறையை அவசர தேவைக்கு மட்டும் பயன்படுத்துவது சிறந்தது. சுத்தம் செய்த எண்ணெயை காற்றுப்புகாத பாத்திரத்தில் சேமித்து வைத்தால், அது நீண்ட நேரம் கெடாமல் இருக்கும். இந்த எளிய சமையலறை யுக்தி, உங்கள் செலவையும் குறைத்து, வேலைகளையும் சுலபமாக்கும்.
Read more: பாகிஸ்தானில் தாக்குதல்.. லஷ்கர்-இ-தொய்பா தளபதி ஷேக் அஃப்ரிடி கொல்லப்பட்டார்..! யார் இவர்..?
