பிரதமர் நரேந்திர மோடி நேற்று ஸ்வீடனின் ‘ராயல் ஆர்டர் ஆஃப் போலார் ஸ்டார், கமாண்டர் கிராண்ட் கிராஸ்’ விருதைப் பெற்றார். இது ஒரு அரசாங்கத் தலைவருக்கு வழங்கப்படக்கூடிய மிக உயர்ந்த அங்கீகாரமும் கௌரவமும் ஆகும்.
இது பிரதமர் மோடி பெறும் 31வது உலகளாவிய கௌரவமாகும். இரண்டு நாள் பயணமாக மோடி ஞாயிற்றுக்கிழமை ஸ்வீடன் வந்தடைந்தார். ஞாயிற்றுக்கிழமை கோதன்பர்க் விமான நிலையத்தில் அவரை ஸ்வீடன் பிரதமர் உல்ஃப் கிறிஸ்டர்சன் வரவேற்றார். பின்னர் இரு தலைவர்களும் வர்த்தகம், தொழில்நுட்பம், பாதுகாப்பு மற்றும் பிற முக்கியத் துறைகள் குறித்து விரிவான பேச்சுவார்த்தை நடத்தினர்.
முன்னதாக, 2018-ல் நடைபெற்ற முதல் இந்தியா-நார்டிக் உச்சி மாநாட்டிற்காக மோடி ஸ்வீடனுக்கு பயணம் மேற்கொண்டிருந்தார்.
தூதுக்குழு அளவிலான பேச்சுவார்த்தைகளின் போது, இரு தரப்பினரும் இருதரப்பு உறவுகளின் முழு வீச்சையும் ஆய்வுசெய்தனர். மேலும், 2025-ஆம் ஆண்டில் 7.75 பில்லியன் அமெரிக்க டாலர்களை எட்டும் இருதரப்பு வர்த்தகத்தை மேம்படுத்துவதற்கான புதிய ஒத்துழைப்பு வழிகளையும் ஆராய்ந்தனர்.
பசுமை மாற்றம், செயற்கை நுண்ணறிவு (AI), வளர்ந்து வரும் தொழில்நுட்பங்கள், புத்தொழில் நிறுவனங்கள், மீள்திறன் கொண்ட விநியோகச் சங்கிலிகள், பாதுகாப்பு, விண்வெளி, காலநிலை நடவடிக்கை மற்றும் மக்கள்-மக்களுக்கு இடையேயான உறவுகள் ஆகிய துறைகளில் இருதரப்பு உறவுகளை வலுப்படுத்த வேண்டும் என இரு தலைவர்களும் வலியுறுத்தினர்.
