சென்னையில் இன்று ஆபரண தங்கம் விலை ஒரு சவரனுக்கு ரூ. 80 குறைந்து, ரூ.1,12,480க்கு விற்பனை செய்யப்படுகிறது.. வெள்ளி கிலோவுக்கு ரூ.5,000 குறைந்துள்ளது..
ரஷ்யா – உக்ரைன் மோதல், மத்திய கிழக்கில் நிலவும் பதற்றம், ட்ரம்பின் சில அதிரடி நடவடிக்கைகள் உள்ளிட்ட பல காரணங்களால் சர்வதேச அளவில் பொருளாதார ஸ்திரத்தனமை இல்லை.. இதனால் முதலீட்டாளர்கள் பாதுகாப்பு கருதி பலரும் தங்கத்தில் முதலீடு செய்து வருகின்றனர். எனவே தங்கம் என்பது தற்போது சாமானிய மக்களுக்கு எட்டாக் கனியாக மாறி உள்ளது.
அதன்படி கடந்த சில நாட்களாகவே தங்கம் விலை வரலாறு காணாத அளவுக்கு உயர்ந்து வருகிறது.. தங்கம் விலை அதிரடியாக உயர்வதும், பின்னர் சற்று குறைவதும் என்ற நிலையே நீடித்து வருகிறது.. அந்த வகையில் கடந்த ஆண்டு டிசம்பர் மாதம் 15-ம் தேதி தங்கம் விலை சவரனுக்கு ரூ.1 லட்சத்தை தாண்டி விற்பனையானது. அதன்பின்னர் ரூ.1 லட்சத்திற்கும் கீழ் குறைந்த தங்கம் விலை தற்போது மீண்டும் ரூ.1 லட்சத்தை தாண்டி விற்பனை செய்யப்படுகிறது.
இந்த நிலையில் இன்று சென்னையில் ஆபரணத் தங்கம் விலை குறைந்துள்ள்து.. அதன்படி, ஒரு கிராம் தங்கம் ரூ.10 குறைந்து ரூ.14,060-க்கு விற்பனையாகிறது.. இதனால் ஒரு சவரனுக்கு ரூ. 80 குறைந்து ரூ.1,12,480க்கு விற்பனை செய்யப்படுகிறது.. நேற்று தங்கம் விலை உயர்ந்த நிலையில் இன்று சற்று குறைந்துள்ளது..
அதே போல் இன்று வெள்ளி விலையும் குறைந்துள்ளது.. அதன்படி ஒரு கிராம் வெள்ளி ரூ.5 குறைந்து, ரூ.275க்கு விற்பனை செய்யப்படுகிறது.. இதனால் ஒரு கிலோ வெள்ளி ரூ.5,000 குறைந்து ரூ.2.75 லட்சத்திற்கு விற்பனையாகிறது.
Read More : பெட்ரோல், டீசல் விவகாரத்தில் மத்திய அரசு முக்கிய முடிவு.. மீண்டும் வரி உயர்வு.. எவ்வளவு..?
