தமிழ்நாடு அரசின் 2026–27 நிதிநிலை அறிக்கையின் மனிதவள மேலாண்மைத் துறை மானியக் கோரிக்கையின் கீழ், அரசு ஊழியர்கள், போட்டித் தேர்வர்கள் மற்றும் பொதுமக்களுக்கான பல்வேறு முக்கிய அறிவிப்புகளை அமைச்சர் சரத்குமார் சட்டப்பேரவையில் அறிவித்தார்.
➣ அரசுப் பெண் பணியாளர்களுக்கு மூன்றாவது குழந்தைப் பேறுக்கு தற்போது வழங்கப்பட்டு வரும் மகப்பேறு விடுப்பானது 12 வாரங்களிலிருந்து 365 நாட்களாக (1 ஆண்டு) உயர்த்தி வழங்கப்படும்.
➣ டிஎன்பிஎஸ்சி (TNPSC), எஸ்எஸ்சி (SSC), ரயில்வே (RRB), வங்கி (IBPS) உள்ளிட்ட போட்டித் தேர்வுகளுக்குத் தயாராகும் தேர்வர்களுக்காக ரூ.20 லட்சம் மதிப்பீட்டில் “வெற்றிப் பாதை” என்ற புதிய மொபைல் செயலி உருவாக்கப்படும்.
➣ தமிழ்நாடு அரசுப் பணியாளர் தேர்வாணையத்தில் (TNPSC) பிரதான கட்டடத்துடன் இணைக்கும் வகையில், பொதுத் தாழ்வாரத்துடன் கூடிய கூடுதல் இணைப்புக் கட்டடம் ரூ.12.5 கோடி செலவில் கட்டப்படும்.
➣ ‘அ’ மற்றும் ‘ஆ’ அடிப்படைப் பயிற்சி நிலையம் மற்றும் அகில இந்தியக் குடிமைப் பணித் தேர்வுப் பயிற்சி மையத்தின் வகுப்பறைகள், தங்கும் விடுதிகள், கலையரங்கம் மற்றும் விருந்தினர் அறைகளைப் புனரமைக்க ரூ.2 கோடி நிதி ஒதுக்கீடு செய்யப்பட்டுள்ளது.
➣ பவானிசாகர் அரசு அலுவலர் பயிற்சி மையத்தில் உட்கட்டமைப்பை மேம்படுத்தும் வகையில் ரூ.3.25 கோடி ஒதுக்கீடு செய்யப்பட்டுள்ளது; இதில் ரூ.1 கோடியில் நவீன கணினி மையமும், ரூ.2.25 கோடியில் 7 ஏக்கர் பரப்பளவில் நடைபயிற்சி மற்றும் விளையாட்டு வசதிகளுடன் கூடிய திறந்தவெளி விளையாட்டு அரங்கமும் அமைக்கப்படும்.
➣ மத்திய, மாநில அரசுப் போட்டித் தேர்வுகளுக்குத் தயாராகும் தேர்வர்கள் எளிதில் பயன்பெறும் வகையில், பயிற்சி மையங்களை அறிவுசார் மையங்களுடன் (Knowledge Centres) இணைக்கும் உள்கட்டமைப்பு வசதிகள் ரூ.1.30 கோடியில் ஏற்படுத்தப்படும்.
➣ அரசு ஊழியர்களின் நிர்வாகத் திறனை மேம்படுத்த, தகவல் அறியும் உரிமைச் சட்டம் மற்றும் நடத்தை விதிகள் உள்ளிட்டவை தொடர்பான மின்-கற்றல் பாடத்தொகுதிகள் உருவாக்கப்பட்டு, ரூ.50 லட்சம் மதிப்பீட்டில் ‘திறன் 360’ (thiran360.tn.gov.in) இணையதளத்தில் சேர்க்கப்படும்.
➣ பொதுமக்கள் மற்றும் வணிகங்களுக்கான சான்றிதழ்கள், உரிமங்கள் உள்ளிட்ட 150 அரசு சேவைகளை இணையவழியில் மிக எளிமையாகப் பெறும் வகையில், ‘எளிமை ஆளுமை’ (SimpleGov) திட்டத்தின் கீழ் மறுசீரமைக்கப்பட்டு வழங்கப்படும்.
Read More : தவெகவை போல் 2031இல் தமிழகத்தில் பாமக ஆட்சி..!! அன்புமணி ராமதாஸ் சூளுரை..!!
