தமிழகத்தில் உள்ள 52 முக்கிய கோயில்களுக்குள் ஸ்மார்ட்போன் பயன்பாட்டிற்கான தடை உத்தரவிலிருந்து கர்ப்பிணிகள், கைக்குழந்தைகளை வைத்திருப்பவர்கள், முதியவர்கள் மற்றும் மாற்றுத்திறனாளிகளுக்கு விலக்கு அளிக்கப்படும் என்று இந்து சமய அறநிலையத்துறை அமைச்சர் ரமேஷ் அறிவித்துள்ளார்.
சென்னையில் செய்தியாளர்களிடம் பேசிய அவர், திருவிழா நாட்கள் மற்றும் அதிகக் கூட்டம் இருக்கும் நேரங்களில் பக்தர்கள் தங்களது கைபேசிகளை வெளியில் ஒப்படைக்க வேண்டிய அவசியமில்லை; இது தொடர்பான வழிகாட்டுதல்கள் ஏற்கனவே வழங்கப்பட்டுவிட்டன.
கைபேசிகளைப் பாதுகாப்பாக வைப்பதற்கான ரூ. 5 கட்டணத்தை இந்து சமய அறநிலையத்துறை கட்டாயமாக்கவில்லை. அதற்கான முடிவை அந்தந்தக் கோவில் நிர்வாகங்களின் விருப்பத்திற்கே விட்டுவிடப்பட்டுள்ளது.
செப்டம்பர் 1 முதல் அமல்படுத்தப்பட்ட இந்த நடவடிக்கை, ஏற்கனவே இருந்த நீதிமன்ற உத்தரவை மாநில அரசு செயல்படுத்தும் ஒன்றாகும் என்று கூறி, அந்தத் தடையை நியாயப்படுத்தினார். மேலும், 2022 டிசம்பரில், மாநிலம் முழுவதும் உள்ள கோயில்களில் கைபேசி பயன்பாட்டிற்கான கட்டுப்பாட்டை அமல்படுத்த வேண்டும் என்று சென்னை உயர் நீதிமன்றத்தின் மதுரை கிளை உத்தரவிட்டிருந்ததாகவும் அவர் கூறினார்.
பக்தர்கள் தங்கள் கைபேசிகளை ஒப்படைப்பதற்கோ அல்லது திரும்பப் பெறுவதற்கோ நீண்ட நேரம் வரிசையில் காத்திருக்க வைக்கப்படாமல் இருப்பதை உறுதி செய்யுமாறு கோயில் அதிகாரிகளுக்கு அறிவுறுத்தப்பட்டுள்ளதாக அவர் கூறினார். கைபேசியை ஒப்படைப்பது பக்தர்களுக்கு ஒரு சுமையாக ஆகக்கூடாது என்றும் அவர் குறிப்பிட்டார். மேலும், “இந்து சமய அறநிலையத் துறை இருப்பதை விரும்பாத குழுக்கள்” தவறான பிரச்சாரத்தைப் பரப்பி வருவதாக அவர் குற்றம் சாட்டினார்.
