அதிமுக பொதுச்செயலாளர் எடப்பாடி பழனிசாமி கட்சியின் சொத்துகளை முறைகேடாக தன் வசப்படுத்துவதாகவும், பாரம்பரியமிக்க இயக்கத்தை ஒரு வெறும் கடித முகப்பு அமைப்பாக மாற்றி விட்டதாகவும் அமைச்சர் நிர்மல் குமார் அண்மையில் காரசாரமாக விமர்சித்திருந்தார்.
அதிமுக நற்பெயருக்கு களங்கம் விளைவித்ததாகவும், கட்சியின் பொதுச்செயலாளரை வேண்டுமென்றே அவமதித்ததாகவும் கூறி, அமைச்சர் நிர்மல் குமார் பகிரங்கமாக மன்னிப்பு கோர வேண்டும் எனவும், நஷ்ட ஈடாக ஒரு கோடி ரூபாய் வழங்க வேண்டும் எனவும் அதிமுக வழக்கறிஞர் அணி சார்பில் அவருக்கு சட்ட நோட்டீஸ் அனுப்பப்பட்டது.
இந்த சட்ட நோட்டீஸுக்கு அமைச்சர் நிர்மல் குமார் தரப்பில் பதில் அளித்துள்ளது. அதிமுகவில் தலைமை பொறுப்பு சார்ந்த மோதல்கள் நிலவி வருவதை தேர்தல் ஆணைய ஆவணங்களும் நீதிமன்ற பதிவுகளுமே உறுதி செய்வதாக சுட்டிக்காட்டியுள்ள அவர், ஒரு அரசியல் இயக்கத்தின் தலைமை அதிகாரத்தில் உள்ள நபரை விமர்சனம் செய்வது அந்த இயக்கத்தின் மீதான அவதூறாக ஒருபோதும் மாறாது என்று கூறியுள்ளார்.
எடப்பாடி பழனிசாமி தனி நபர் என்ற முறையில் இந்த நோட்டீஸை அனுப்பாமல், பொது அமைப்பான கட்சியின் பெயரால் அனுப்பியுள்ளதால் இதற்கு தனிப்பட்ட முறையில் பதில் கூற வேண்டிய அவசியம் இல்லை என்று தெரிவித்துள்ளார்.
அதிமுக தரப்பு நோட்டீஸில் வலியுறுத்தியுள்ளவாறு பொதுவெளியில் மன்னிப்பு கோரவோ அல்லது கோரப்பட்ட ஒரு கோடி ரூபாய் இழப்பீட்டு தொகையை வழங்கவோ முடியாது என அமைச்சர் நிர்மல் குமார் கூறியுள்ளார்.
Read More : கைலாசாவில் உள்துறை அமைச்சர் நமச்சிவாயம்! ஆசி வழங்கிய நித்யானந்தா! வெடித்த அரசியல் சர்ச்சை!
